Ram Mandir: ರಾಮಮಂದಿರವನ್ನು ಯಾವ ಕಲ್ಲಿನಿಂದ ನಿರ್ಮಿಸಲಾಗಿದೆ…ಅದರ ಮೌಲ್ಯ ಎಷ್ಟು ಗೊತ್ತಾ?

ಅಯೋಧ್ಯೆ: ಅಯೋಧ್ಯೆಯಲ್ಲಿ ರಾಮಲಲ್ಲಾ ಭವ್ಯ ಮಂದಿರ ಸಿದ್ಧವಾಗಿದ್ದು, ಈಗ ರಾಮಲಲ್ಲಾನನ್ನು ಮಂದಿರದಲ್ಲಿ ಕೂರಿಸಲು ದಿನಗಣನೆ ಆರಂಭವಾಗಿದೆ. ಜನವರಿ 22 ರಂದು ಮಧ್ಯಾಹ್ನ 12.20 ರಿಂದ ವಿಗ್ರಹದ ‘ಪ್ರಾಣ ಪ್ರತಿಷ್ಠಾ’ ಪ್ರಾರಂಭವಾಗಲಿದೆ. ಆ ನಂತರ ದೇವಾಲಯವನ್ನು ಸಾಮಾನ್ಯ ಜನರಿಗೆ ತೆರೆಯಲಾಗುತ್ತದೆ.

ಸಾಮಾಜಿಕ ಮಾಧ್ಯಮಗಳಲ್ಲಿ ರಾಮಮಂದಿರದ ಫೋಟೋಗಳನ್ನು ನೋಡಿದಾಗ ದೇವಾಲಯವನ್ನು ಎಷ್ಟು ಸುಂದರವಾಗಿ ನಿರ್ಮಿಸಲಾಗಿದೆ ಮತ್ತು ವಿಶೇಷ ಕಲ್ಲನ್ನು ಬಳಸಲಾಗಿದೆ ಎಂಬುದನ್ನು ಕಾಣಬಹುದು.

ಅಂದಹಾಗೆ ರಾಮ ಮಂದಿರ ನಿರ್ಮಾಣಕ್ಕೆ ರಾಜಸ್ಥಾನದ ಪ್ರಸಿದ್ಧ ಮಕ್ರಾನಾ ಸ್ಟೋನ್ ಬಳಸಲಾಗಿದ್ದು, ಇದು ಪ್ರಪಂಚದಾದ್ಯಂತ ಹೆಚ್ಚಿನ ಬೇಡಿಕೆಯನ್ನು ಹೊಂದಿದೆ.

ಆಗ್ರಾದಲ್ಲಿನ ತಾಜ್ ಮಹಲ್, ಪ್ರಸಿದ್ಧ ಬಿರ್ಲಾ ದೇವಾಲಯ ಮತ್ತು ವಿಕ್ಟೋರಿಯಾ ಅರಮನೆಯನ್ನು ನಿರ್ಮಿಸಲು ಮಕ್ರಾನಾ ಮಾರ್ಬಲ್ ಬಳಸಲಾಗಿದೆ. ರಾಜಸ್ಥಾನದ ಮಕ್ರಾನಾದಿಂದ ಪ್ರತಿ ವರ್ಷ ಒಂದು ಲಕ್ಷ ಟನ್‌ಗೂ ಹೆಚ್ಚು ಮಾರ್ಬಲ್ ಹೊರತೆಗೆಯಲಾಗುತ್ತದೆ. ಇಲ್ಲಿ ಈ ಮಾರ್ಬಲ್​​​​ನ ನೂರಾರು ಗಣಿಗಳಿವೆ.

ನಾವು ಈ ಮಕ್ರಾನಾ ಮಾರ್ಬಲ್ ಬೆಲೆಯ ಬಗ್ಗೆ ತಿಳಿದುಕೊಳ್ಳುವುದಾದರೆ, ಅದರ ಬಣ್ಣಕ್ಕೆ ಅನುಗುಣವಾಗಿ ದರಗಳು ಬದಲಾಗುತ್ತವೆ. ಪ್ರತಿ ಚದರ ಅಡಿಗೆ 20 ರಿಂದ 100 ರೂಪಾಯಿಗಳಿಂದ 5 ಸಾವಿರ ರೂಪಾಯಿಗಳಿಗೆ ಹೋಗುತ್ತದೆ.

https://www.vijayavani.net/trust-members-selected-ram-lalla-idol-on-december-29