ಮಕ್ಕಳ ಮುಗ್ಧ ಬಾಲ್ಯವನ್ನು ಕದಿಯುವುದು ಅಪರಾಧ. ಶಿಕ್ಷಣವೇ ಪ್ರತಿಯೊಂದು ಮಗುವಿನ ಅಸ್ತ್ರವಾಗಬೇಕು. ಸಂಸ್ಥೆ, ಕೈಗಾರಿಕೆ, ಉತ್ಪಾದನಾ ಘಟಕಸೇರಿದಂತೆ ಹಲವಡೆ 14 ರಿಂದ 18 ವಯಸ್ಸಿನ ಮಕ್ಕಳನ್ನು ಕೆಲಸ ಮಾಡುವಂತಿಲ್ಲ. ಅಂತಹ ಸಂದರ್ಭದಲ್ಲಿ ಅಂದರೆ ತಮ್ಮದೇ ಆದ ವೈಯಕ್ತಿಕ ಕೌಟುಂಬಿಕ ಕೆಲಸದಲ್ಲಿ ಭಾಗಿಯಾಗಬಹುದು, ಆದರೆ ಅವರ ಶಿಕ್ಷಣದ ಮೇಲೆ ಪ್ರಭಾವ ಬೀರುವಂತಿರಬಾರದು. ಪ್ರತಿ ವರ್ಷ ಜೂನ್ 12 ರಂದು ನಾವು ವಿಶ್ವ ಬಾಲ ಕಾರ್ಮಿಕ ಪದ್ಧತಿ ವಿರೋಧಿ ದಿನವನ್ನು ಆಚರಿಸುತ್ತೇವೆ. ಮಕ್ಕಳ ಕೈಯಲ್ಲಿ ಉಪಕರಣಗಳು, ಹೋಟೆಲ್ ಪಾತ್ರೆಗಳ ಬದಲಿಗೆ ಪುಸ್ತಕ, ಲೇಖನಿ ಇರಬೇಕಾದದ್ದು ಅವರ ಹಕ್ಕು. ಆದರೆ ಇಂದಿಗೂ ಸಮಾಜದಲ್ಲಿ ಬಾಲ ಕಾರ್ಮಿಕ ಪದ್ಧತಿ ಜೀವಂತವಾಗಿರುವುದು ಕಳವಳಕಾರಿ ಸಂಗತಿ. ಈ ಪಿಡುಗನ್ನು ಬೇರುಸಹಿತ ಕಿತ್ತೊಗೆಯಲು ನಮಗೆ ಕಾನೂನಿನ ಅರಿವು ಅತ್ಯಗತ್ಯವಾಗಿದೆ ಎಂದು ವಕೀಲೆ ಅರೋಲಿನ್ ಡಿ’ಸೋಜಾ ಹೇಳಿದರು.
