ನವದೆಹಲಿ: ಅಗ್ನಿಶಾಮಕ ಸೇವೆ, ಗೃಹ ರಕ್ಷಕ ಸೇವೆ, ಸಿವಿಲ್ ಡಿಫೆನ್ಸ್ ಸಿಬ್ಬಂದಿಗೆ ನೀಡಲಾಗುವ ರಾಷ್ಟ್ರಪತಿ ಪದಕಕ್ಕೆ ಅರ್ಹರಾದವರ ವಿವರ ಶನಿವಾರ ಪ್ರಕಟವಾಗಿದ್ದು, ಕರ್ನಾಟಕದ 16 ಸಿಬ್ಬಂದಿಗೆ ಈ ಸಲದ ಗಣರಾಜ್ಯೋತ್ಸವ ದಿನಾಚರಣೆ ವೇಳೆ ಗೌರವ ಸಲ್ಲಲ್ಲಿದೆ.
ಅಗ್ನಿಶಾಮಕ ಸೇವೆಯ ಒಟ್ಟು 104 ಸಿಬ್ಬಂದಿಗೆ ಈ ವರ್ಷ ಫೈರ್ ಸರ್ವೀಸ್ ಮೆಡಲ್ ಸಿಗಲಿದೆ. ಇದರಲ್ಲಿ ರಾಷ್ಟ್ರಪತಿಯವ ಫೈರ್ ಸರ್ವೀಸ್ ಮೆಡಲ್ ಫಾರ್ ಗ್ಯಾಲಂಟರಿ 13 ಸಿಬ್ಬಂದಿಗೆ ಮತ್ತು ಫೈರ್ ಸರ್ವೀಸ್ ಮೆಡಲ್ ಫಾರ್ ಗ್ಯಾಲಂಟರಿ 29 ಸಿಬ್ಬಂದಿಗೆ, ರಾಷ್ಟ್ರಪತಿಯವರ ಫೈರ್ ಸರ್ವೀಸ್ ಮೆಡಲ್ ಫಾರ್ ಡಿಸ್ಟಿಂಗ್ವಿಷ್ಡ್ ಸರ್ವೀಸ್ 12 ಸಿಬ್ಬಂದಿಗೆ, ಫೈರ್ ಸರ್ವೀಸ್ ಮೆಡಲ್ ಫಾರ್ ಮೆರಿಟೋರಿಯಸ್ ಸರ್ವೀಸ್ 50 ಸಿಬ್ಬಂದಿಗೆ ಸಿಗಲಿದೆ.
ಇದಲ್ಲದೆ, ಈ ಸಲ ಗಣರಾಜ್ಯೋತ್ಸವದಲ್ಲಿ 49 ಸಿಬ್ಬಂದಿಗೆ ಗೃಹ ರಕ್ಷಕ ದಳ ಮತ್ತು ಸಿವಿಲ್ ಡಿಫೆನ್ಸ್ ಮೆಡಲ್ ಗೌರವ ಸಲ್ಲಲ್ಲಿದೆ. ಈ ಪೈಕಿ, ರಾಷ್ಟ್ರಪತಿಯವರ ಹೋಮ್ಗಾರ್ಡ್ಸ್ ಮತ್ತು ಸಿವಿಲ್ ಡಿಫೆನ್ಸ್ ಮೆಡಲ್ ಫಾರ್ ಡಿಸ್ಟಿಂಗ್ವಿಷ್ಡ್ ಸರ್ವೀಸ್ ಇಬ್ಬರಿಗೆ, ಹೋಮ್ ಗಾರ್ಡ್ಸ್ ಮತ್ತು ಸಿವಿಲ್ ಡಿಫೆನ್ಸ್ ಮೆಡಲ್ ಫಾರ್ ಮೆರಿಟೋರಿಯಸ್ ಸರ್ವೀಸ್ 47 ಸಿಬ್ಬಂದಿಗೆ ಸಿಗಲಿದೆ.
