ಬಹುಭಾಷಾ ತಾರೆ ನಯನತಾರಾಗೆ ಆಗಸ್ಟ್ ತಿಂಗಳು ಡಬಲ್ ಧಮಾಕಾ. ಯಾಕೆಂದರೆ ನಟಿಯ ಎರಡು ಸಿನಿಮಾಗಳು ಒಂದೇ ತಿಂಗಳಲ್ಲಿ ರಿಲೀಸ್ ಆಗುತ್ತಿವೆ. ಹೌದು, ಸದ್ಯ ಕನ್ನಡ ಸೇರಿ ತೆಲುಗು, ತಮಿಳು, ಮಲಯಾಳಂ, ಹಿಂದಿಯಲ್ಲಿ ನಯನತಾರಾ ಬಿಜಿಯಾಗಿದ್ದಾರೆ. ಸದ್ಯ ಅವರ ಕೈಯಲ್ಲಿ ಭರ್ತಿ 8 ಸಿನಿಮಾಗಳಿದ್ದು, ಕನಿಷ್ಟ 4 ಚಿತ್ರಗಳು ರಿಲೀಸ್ಗೆ ಸಿದ್ಧವಾಗಿವೆ. ಅದರಲ್ಲಿ ಎರಡು ಚಿತ್ರಗಳು ಮುಂದಿನ ತಿಂಗಳು ಬ್ಯಾಕ್ ಟು ಬ್ಯಾಕ್ ಬಿಡುಗಡೆಯಾಗುತ್ತಿವೆ. ನಯನತಾರಾ ಮತ್ತು ಕೆವಿನ್ ಮುಖ್ಯಭೂಮಿಕೆಯಲ್ಲಿರುವ ತಮಿಳಿನ ‘ಹಾಯ್’ ಈಗಾಗಲೇ ಶೂಟಿಂಗ್ ಪೂರ್ಣಗೊಳಿಸಿ, ರಿಲೀಸ್ಗೆ ಸಿದ್ಧವಾಗಿತ್ತು. ಈ ಹಿನ್ನೆಲೆಯಲ್ಲಿ ಇತ್ತೀಚೆಗೆ ಚಿತ್ರತಂಡ ರಿಲೀಸ್ ಡೇಟ್ ಅನೌನ್ಸ್ ಮಾಡಿದೆ. ಅದರಂತೆ, ಆಗಸ್ಟ್ 14ರಂದು ತೆರೆ ಮೇಲೆ ಬರಲಿದೆ. ಕಾಕತಾಳೀಯ ಎಂಬಂತೆ, ನಯನತಾರಾ ತಾರಾಗಣದಲ್ಲಿರುವ ಬಹುನಿರೀಕ್ಷಿತ ಕನ್ನಡದ ‘ಟಾಕ್ಸಿಕ್: ಎ ಫೇರಿಟೇಲ್ ಫಾರ್ ಗ್ರೋನಪ್ಸ್’ ಕೂಡ ಆಗಸ್ಟ್ 26ಕ್ಕೆ ರಿಲೀಸ್ ಆಗುತ್ತಿದೆ. ಆ ಮೂಲಕ ಒಂದೇ ತಿಂಗಳಲ್ಲಿ ಅದರಲ್ಲೂ 15 ದಿನಗಳ ಅಂತರದಲ್ಲಿ ನಟಿಯ ಎರಡು ಸಿನಿಮಾಗಳು ಬಿಡುಗಡೆಯಾಗುತ್ತಿವೆ. ಹೀಗಾಗಿ ಅವರು ಸದ್ಯ ಈ ಎರಡೂ ಚಿತ್ರಗಳ ಪ್ರಚಾರದ ಕೆಲಸಗಳಲ್ಲಿ ಬಿಜಿಯಾಗಿದ್ದಾರೆ. ಉಳಿದಂತೆ ನಯನತಾರಾ ಸಲ್ಮಾನ್ ಖಾನ್ ಅಭಿನಯದ ಸಿನಿಮಾದ ಶೂಟಿಂಗ್ ನಡೆಸುತ್ತಿದ್ದಾರೆ. -ಏಜೆನ್ಸೀಸ್
_1784988337429.webp?w=480&auto=format%2Ccompress&fit=max)
