ವಿಜಯಮ್ಮ ಶುಶ್ರೂಷಾಧಿಕಾರಿಯಾಗಿ ಬಂದ ನಂತರ ಡಿ ಗ್ರೂಪ್, ಶುಶ್ರೂಷಕಿಯರು ಹಾಗೂ ಇತರೆ ಸಿಬ್ಬಂದಿಗೆ ಕಿರುಕುಳ ಕೊಟ್ಟಿರುವ ಆರೋಪ ಕೇಳಿಬಂದಿದೆ. ಹಿಂದೆ ಆರೋಗ್ಯ ಸಚಿವ ದಿನೇಶ್ ಗುಂಡೂರಾವ್ ಅವರು ಆಸ್ಪತ್ರೆಗೆ ಭೇಟಿ ನೀಡಿದ್ದಾಗ ಕೆಲ ಸಿಬ್ಬಂದಿ ಸಮಸ್ಯೆಗಳ ಬಗ್ಗೆ ಸಚಿವರ ಗಮನಕ್ಕೆ ತಂದು ಪರಿಹಾರ ಕಲ್ಪಿಸುವಂತೆ ಮನವಿ ಮಾಡಿದ್ದರು. ಇದಕ್ಕೆ ಸಚಿವರು ಆಸ್ಪತ್ರೆಯ ಕೆಲ ಅಽಕಾರಿಗಳನ್ನು ತೀವ್ರ ತರಾಟೆಗೆ ತೆಗೆದುಕೊಂಡಿದ್ದರು. ಈ ಹಿನ್ನೆಲೆಯಲ್ಲಿ ವಿಜಯಮ್ಮ ಹೊರಗುತ್ತಿಗೆ, ಡಿ ಗ್ರೂಪ್ ನೌಕರರಿಂದ ಖಾಲಿ ಕಾಗದದ ಮೇಲೆ ಸಹಿ ಹಾಕಿಸಿಕೊಂಡಿದ್ದರು, ಇದು ಸಿಬ್ಬಂದಿಯ ಆಕ್ರೋಶಕ್ಕೂ ಕಾರಣವಾಗಿತ್ತು. ಈ ಬಗ್ಗೆ ಕೂಡಲೇ ಸಿಬ್ಬಂದಿ ಗುತ್ತಿಗೆ ಸಂಸ್ಥೆಯವರ ಗಮನಕ್ಕೆ ತಂದಿದ್ದರು, ಖಾಲಿ ಕಾಗದದ ಮೇಲೆ ಯಾವ ಕಾರಣಕ್ಕೆ ಸಹಿ ಹಾಕಲಾಗಿದೆ ಎಂಬುದರ ಬಗ್ಗೆ ಮಾಹಿತಿ ನೀಡುವಂತೆ ವ್ಯಾಟ್ಸಪ್ನಲ್ಲಿ ಪ್ರತಿಕ್ರಿಯೆ ಕೇಳಿದ್ದರು, ಇದಕ್ಕೆ ಯಾರೂ ಉತ್ತರ ನೀಡಬಾರದು ಎಂದು ಸಹ ಸಿಬ್ಬಂದಿಗೆ ವಿಜಯಮ್ಮ ಇತರರು ಬೆದರಿಕೆ ಹಾಕಿದ್ದರು ಎಂಬ ಆರೋಪ ಕೇಳಿ ಬಂದಿದೆ.
