ನೌಕರಿ ಅರಸಿ ಬಂದಿದ್ದ ಮಾಯಾ, ಎಚ್ಎಸ್ಆರ್ ಲೇಔಟ್ನಲ್ಲಿನ ಖಾಸಗಿ ಕಂಪನಿಯಲ್ಲಿ ನೌಕರಿ ಮಾಡುತ್ತಿದ್ದಳು. ಓದು ಮುಗಿಸಿ ಇಂಟರ್ಶ್ಿ ಸಲುವಾಗಿ ಆರವ್, 8 ತಿಂಗಳ ಹಿಂದೆ ನಗರಕ್ಕೆ ಬಂದು ಇಂದಿರಾನಗರದಲ್ಲಿ ಖಾಸಗಿ ಕಂಪನಿಗೆ ಸೇರಿದ್ದ. ತಿಂಗಳಿಗೆ 15 ಸಾವಿರ ರೂ. ವೇತನ ಸಿಗುತ್ತಿತ್ತು. ಇದರ ನಡುವೆ 6 ತಿಂಗಳ ಹಿಂದೆ ಡೇಟಿಂಗ್ ಆ್ಯಪ್ನಲ್ಲಿ ಆರವ್ ಮತ್ತು ಮಾಯಾಗೂ ಪರಿಚಯವಾಗಿ ಚಾಟಿಂಗ್ ಶುರು ಮಾಡಿದ್ದರು. ಇಬ್ಬರ ನಡುವೆ ಸಲುಗೆ ಬೆಳೆದು ಕೊನೆಗೆ ನ.23ರಂದು ಇಂದಿರಾನಗರ 2ನೇ ಹಂತದಲ್ಲಿರುವ ದಿ ರಾಯಲ್ ಲಿವಿಂಗ್ ಅಪಾರ್ಟ್ಮೆಂಟ್ನಲ್ಲಿ ಸರ್ವಿಸ್ ್ಲ್ಯಾಟ್ ಪಡೆದು ಇಬ್ಬರು ಉಳಿದುಕೊಂಡಿದ್ದರು. ಈ ನಡುವೆ ಇಬ್ಬರ ನಡುವೆ ಖಾಸಗಿ ವಿಚಾರಕ್ಕೆ ಜಗಳವಾಗಿದೆ. ಕೊಲೆ ಮಾಡುವ ಉದ್ದೇಶಕ್ಕೆ ್ಲ್ಯಾಟ್ಗೆ ಆರವ್, ಆನ್ಲೈನ್ನಲ್ಲಿ ನೈಲನ್ ಹಗ್ಗ ಮತ್ತು ಚಾಕು ತರಿಸಿಕೊಂಡಿದ್ದಾನೆ. ಸಂಚುರೂಪಿಸಿ ಮಾಯಾ ಕತ್ತಿಗೆಯನ್ನು ಹಗ್ಗದಲ್ಲಿ ಬಿಗಿದು ಕೊಲೆಗೆ ಯತ್ನಿಸಿದ್ದಾನೆ. ಪ್ರಜ್ಞೆ ತಪ್ಪಿದಾಗ ಚಾಕುವಿನಿಂದ ಕತ್ತು ಕೊಯ್ದು, ಎದೆಯ ಭಾಗವನ್ನು ಬರ್ಬರವಾಗಿ ಇರಿದು ಕೊಲೆ ಮಾಡಿದ್ದಾನೆ. ಒಂದು ದಿನ ಶವದ ಜತೆಗೆ ಇದ್ದ ಆರೋಪಿ ಆರವ್, ನ.26ರ ಬೆಳಗ್ಗೆ 8.19ರಲ್ಲಿ ಕ್ಯಾಬ್ ಮಾಡಿಕೊಂಡು ಅಲ್ಲಿಂದ ಪರಾರಿಯಾಗಿದ್ದಾನೆ. ಅನುಮಾನ ಬಂದು ಹೋಟೆಲ್ ಸಿಬ್ಬಂದಿ ರೂಮ್ ಗಮನಿಸಿದಾಗ ಯುವತಿ ಹತ್ಯೆ ಆಗಿರುವುದು ಬೆಳಕಿಗೆ ಬಂದಿತ್ತು. ವಿಷಯ ತಿಳಿದ ಇಂದಿರಾನಗರ ಪೊಲೀಸರು ಸ್ಥಳಕ್ಕೆ ಬಂದು ಪರಿಶೀಲನೆ ನಡೆಸಿ ಆರೋಪಿ ಪತ್ತೆಗೆ ಬಲೆಬೀಸಿದ್ದರು.
