ಅಧಿಕಾರ ದುರ್ಬಳಕೆ ಕುರಿತ ಪ್ರಶ್ನೆಗಳಿಗೆ ಎಚ್​ಡಿಕೆ ಉತ್ತರಿಸಲಿ

ಬೆಂಗಳೂರು: ಅಧಿಕಾರ ದುರ್ಬಳಕೆ ಕುರಿತು ಪ್ರಶ್ನೆಗಳಿಗೆ ಮಾಜಿ ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ಮೊದಲಿಗೆ ಉತ್ತರಿಸಲಿ ಎಂದು ಉಪ ಮುಖ್ಯಮಂತ್ರಿ ಡಾ.ಸಿ.ಎನ್.ಅಶ್ವತ್ಥನಾರಾಯಣ ಸವಾಲು ಹಾಕಿದರು.

ಪಕ್ಷದ ಕಚೇರಿಯಲ್ಲಿ ಗುರುವಾರ ಕರೆದಿದ್ದ ಮಾಧ್ಯಮಗೋಷ್ಠಿಯಲ್ಲಿ ಮಾತನಾಡಿದ ಅವರು ಬೆಂಗಳೂರು ಶಿಕ್ಷಕರ ಕ್ಷೇತ್ರದ ಅಭ್ಯರ್ಥಿ ಪುಟ್ಟಣ್ಣ ವಿರುದ್ಧ ಎಚ್​ಡಿಕೆ ಮಾಡಿದ ಆರೋಪಗಳಿಗೆ‌ ತಿರುಗೇಟು ಕೊಟ್ಟರು.

ಅಕ್ರಮಗಳಾಗಿದ್ದರೆ ಸರ್ಕಾರ ಖಂಡಿತ ಕ್ರಮಕೈಗೊಳ್ಳಲಿದೆ. ಗಾಳಿಯಲ್ಲಿ ಗುಂಡು ಹೊಡೆದಂತಹ ಆರೋಪಗಳು ಹಾಗೂ ಬೇಜವಾಬ್ದಾರಿ ಹೇಳಿಕೆಗಳಿಂದ ಪಕ್ಷದ ಅಭ್ಯರ್ಥಿ ಗೆಲುವನ್ನು ತಡೆಯಲಾಗದು. ಬೆಂಗಳೂರು ಶಿಕ್ಷಕರ ಕ್ಷೇತ್ರ ಸೇರಿದಂತೆ 4 ವಿಧಾನ ಪರಿಷತ್ ಕ್ಷೇತ್ರಗಳಲ್ಲಿ ಪಕ್ಷದ ಅಭ್ಯರ್ಥಿಗಳು ಗೆಲ್ಲುವುದು ನಿಶ್ಚಿತ ಎಂದು ಅಶ್ವತ್ಥನಾರಾಯಣ ಹೇಳಿದರು.

ಸುದ್ದಿಗೋಷ್ಠಿಯಲ್ಲಿದ್ದ ಅಭ್ಯರ್ಥಿ ಪುಟ್ಟಣ್ಣ ಪ್ರತಿಕ್ರಿಯಿಸಿ, ಎಚ್​ಡಿಕೆ ಆರೋಪಗಳಿಗೆ ಈಗ ಉತ್ತರಿಸುವುದಿಲ್ಲ. ಪ್ರತ್ಯಾರೋಪ ಮಾಡಲು ಬಯಸುವುದಿಲ್ಲ. ಕಳೆದ 3 ಅವಧಿಯಲ್ಲಿ ಮಾಡಿದ ಕೆಲಸಗಳು, ಪಕ್ಷದ ವರ್ಚಸ್ಸು, ಕೇಂದ್ರ-ರಾಜ್ಯ ಸರ್ಕಾರಗಳ ಸಾಧನೆ ಗಮನಿಸಿ 4ನೇ ಬಾರಿಯೂ ಅವಕಾಶ ಕೊಡಲು ಮತದಾರರಲ್ಲಿ ಮನವಿ ಮಾಡಿಕೊಳ್ಳುತ್ತಿರುವೆ ಎಂದರು.

https://www.vijayavani.net/rr-nagara-by-election-dk-suresh-v-s-muniratna/