ನಕಲಿ ಮತಗಳ ಸೃಷ್ಟಿಗೆ ಪ್ರಯತ್ನಿಸಲಾಗುತ್ತಿದೆ; ಡಿಇಒಗೆ Arvind Kejriwal ಪತ್ರ.. ಲೆಟರ್​ನಲ್ಲಿ ಉಲ್ಲೇಖಿಸಿರುವುದಿಷ್ಟು..

ನವದೆಹಲಿ: ರಾಷ್ಟ್ರ ರಾಜಧಾನಿಯಲ್ಲಿ ಚುನಾವಣೆಗೂ ಮುನ್ನ ಮತ ಕಡಿತದ ಆರೋಪದ ಕುರಿತು ಎಎಪಿ ಮತ್ತು ಬಿಜೆಪಿ ನಡುವೆ ಆರೋಪ-ಪ್ರತ್ಯಾರೋಪ ಮುಂದುವರಿದಿದೆ. ಈ ಹಿನ್ನೆಲೆಯಲ್ಲಿ ಎಎಪಿ ಸಂಚಾಲಕರೂ ಆದ ಮಾಜಿ ಸಿಎಂ ಅರವಿಂದ್ ಕೇಜ್ರಿವಾಲ್(Arvind Kejriwal) ದೆಹಲಿಯ ಡಿಇಒಗೆ ಭಾನುವಾರ(ಡಿಸೆಂಬರ್​​ 29) ಪತ್ರ ಬರೆದಿದ್ದಾರೆ. 15 ದಿನಗಳಲ್ಲಿ 5000ಕ್ಕೂ ಹೆಚ್ಚು ಜನರ ಮತಗಳನ್ನು ಕಡಿತಗೊಳಿಸಿ 7000ಕ್ಕೂ ಹೆಚ್ಚು ಹೊಸ ಹೆಸರುಗಳನ್ನು ಸೇರಿಸಲು ಬಿಜೆಪಿ ಅರ್ಜಿ ಸಲ್ಲಿಸಿದೆ ಎಂದು ಪತ್ರದಲ್ಲಿ ಉಲ್ಲೇಖಿಸಿರುವ ಕೇಜ್ರಿವಾಲ್​​ ತನಿಖೆಗೆ ಒತ್ತಾಯಿಸಿದ್ದಾರೆ.

ಇದನ್ನು ಓದಿ: ಬಿಜೆಪಿ & ಕಾಂಗ್ರೆಸ್​ನಿಂದ ನಮ್ಮನ್ನು ನಿಯಂತ್ರಿಸುವ ಯತ್ನ; AAP ಸಂಚಾಲಕ ಅರವಿಂದ್​ ಕೇಜ್ರಿವಾಲ್​ ಹೀಗೇಳಿದ್ದೇಕೆ?

ಬಿಜೆಪಿ ವಂಚನೆಗೆ ತಯಾರಿ ನಡೆಸುತ್ತಿದೆ. ಚುನಾವಣಾ ಆಯೋಗ ಎರಡು ತಿಂಗಳ ಕಾಲ ಮನೆ ಮನೆಗೆ ತೆರಳಿ ಮತ ಕೇಳಿದಾಗ 15 ದಿನದಲ್ಲಿ ಸಾವಿರಾರು ಜನ ಎಲ್ಲಿಂದ ಬಂದರು, ಯಾರ ಮತ ಚಲಾವಣೆಯಾಗುತ್ತಿದೆ. ಬಿಜೆಪಿಯವರು ಹೊರಗಿನಿಂದ ಜನರನ್ನು ಕರೆತರುತ್ತಿದ್ದು ಅವರ ನಕಲಿ ಮತಗಳನ್ನು ಸೃಷ್ಟಿಸಲಾಗುತ್ತಿದೆ ಎಂದು ಕೇಜ್ರಿವಾಲ್ ಆರೋಪಿಸಿದ್ದಾರೆ.

ಡಿಇಒ ಬರೆದ ಪತ್ರದಲ್ಲಿ ಏನಿದೆ?

ಆಮ್ ಆದ್ಮಿ ಪಕ್ಷದ ಸಂಚಾಲಕ ಅರವಿಂದ್ ಕೇಜ್ರಿವಾಲ್ ಅವರು ದೆಹಲಿಯ ಶಿಕ್ಷಣ ನಿರ್ದೇಶನಾಲಯಕ್ಕೆ ಪತ್ರ ಬರೆದಿದ್ದು, ಕಳೆದ ಕೆಲವು ದಿನಗಳಿಂದ ಮತದಾರರ ಸೇರ್ಪಡೆ ಮತ್ತು ಅಳಿಸುವಿಕೆಗೆ ಅರ್ಜಿಗಳ ಸಂಖ್ಯೆಯಲ್ಲಿ ಹೆಚ್ಚಳವಾಗಿದೆ ಎಂದು ನಿಮ್ಮ ಗಮನಕ್ಕೆ ತರಲು ನಾನು ಬರೆಯುತ್ತಿದ್ದೇನೆ. ನವದೆಹಲಿ ವಿಧಾನಸಭಾ ಕ್ಷೇತ್ರದಲ್ಲಿ ಗಣನೀಯ ಏರಿಕೆಯಾಗಿದೆ. ನಿಮ್ಮ ಉಲ್ಲೇಖಕ್ಕಾಗಿ ಈ ಅಪ್ಲಿಕೇಶನ್‌ಗಳ ಸ್ನ್ಯಾಪ್‌ಶಾಟ್ ಅನ್ನು ಸಹ ಪತ್ರಕ್ಕೆ ಲಗತ್ತಿಸಲಾಗಿದೆ ಎಂದು ತಿಳಿಸಿದ್ದಾರೆ.

ಚುನಾವಣಾ ಪ್ರಕ್ರಿಯೆಯ ಸಮಗ್ರತೆಯನ್ನು ರಕ್ಷಿಸುವ ಸಲುವಾಗಿ ನಾನು ಬಲವಾಗಿ ಒತ್ತಾಯಿಸುತ್ತೇನೆ. ಇದು ವಲಸೆಯ ಪ್ರಕರಣವಲ್ಲ (ಅಂದರೆ ಫಾರ್ಮ್ 8) ಮತ್ತು ಮರಣದ ಪ್ರಕರಣವಲ್ಲ, ಇದಕ್ಕಾಗಿ ಮರಣ ಪ್ರಮಾಣ ಪತ್ರವನ್ನು ಹೊಂದಿರುವುದು ಕಡ್ಡಾಯವಾಗಿದೆ. ಅಲ್ಲಿಯವರೆಗೆ ಯಾವುದೇ ಮತದಾರರನ್ನು ಕ್ಷೇತ್ರದಿಂದ ತೆಗೆದುಹಾಕಬಾರದು. ಯಾವುದೇ ಸಂದರ್ಭದಲ್ಲೂ ಕಠಿಣ ಪರಿಶೀಲನೆ ಇಲ್ಲದೆ ಯಾವುದೇ ಹೆಸರನ್ನು ತೆಗೆದುಹಾಕಬಾರದು ಎಂದು ತಿಳಿಸಿದ್ದಾರೆ. 15 ದಿನದೊಳಗೆ ಬಿಜೆಪಿ ಸಾವಿರಾರು ಮತಗಳನ್ನು ಕಡಿತಗೊಳಿಸಲು ಅರ್ಜಿಗಳನ್ನು ನೀಡಿದೆ. ಮತದಾರರ ಮತಗಳನ್ನು ಕಡಿಮೆ ಮಾಡುವ ಮೂಲಕ ಬಿಜೆಪಿಯು ಜನರ ದೇಶದ ಪ್ರಜೆಗಳ ಹಕ್ಕನ್ನು ಕಸಿದುಕೊಳ್ಳುತ್ತಿದೆ ಎಂದು ಕೇಜ್ರಿವಾಲ್​ ಆರೋಪಿಸಿದ್ದಾರೆ.(ಏಜೆನ್ಸೀಸ್​)

https://www.vijayavani.net/asaduddin-owaisi-slams-up-govt-over-sambhal-police-outpost