ಪೊಲೀಸರಿಂದ ತಪ್ಪಿಸಿಕೊಂಡಿದ್ದ ನರೇಶ್ ಬಂಧನಕ್ಕೆ ಬಲೆಬೀಸಿದ್ದ ಪೊಲೀಸರಿಗೆ ವಾಟ್ಸ್ಆಪ್ ಗ್ರೂಪ್ನಲ್ಲಿ ವಿಡಿಯೋವೊಂದು ಸುಳಿವು ನೀಡಿತ್ತು. ಅದರಲ್ಲಿ ಬೈಕ್ ಸವಾರ, ಕಾರನ್ನು ಅಡ್ಡಗಟ್ಟಿ ಅದರಲ್ಲಿದ್ದ ಯುವತಿಗೆ ಬೆದರಿಕೆಯೊಡ್ಡುತ್ತಾನೆ. ಯುವತಿ, ‘ನೀವು ಯಾರು’ ಎಂದು ಪ್ರಶ್ನಿಸಿದಾಗ, ‘ಹೆಬ್ಬಾಳ ಪೊಲೀಸ್’ ಎಂದು ಆರೋಪಿ ಹೇಳಿದ್ದ. ಐಡಿ ಕಾರ್ಡ್ ತೋರಿಸುವಂತೆ ಯುವತಿ ಕೇಳಿದಾಗ, ‘ನಿನ್ನ ಗಂಡನ ನಂಬರ್ ಕೊಡು’ ಎಂದಿದ್ದ. ಈ ವಿಡಿಯೋ ಎಲ್ಲೆಡೆ ವೈರಲ್ ಆಗಿತ್ತು. ಇದರಲ್ಲಿ ಸೆರೆಯಾಗಿದ್ದ ಆರೋಪಿ ಬೈಕ್ ನಂಬರ್ ಆಧರಿಸಿ ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಯುವತಿಗೆ ಬೆದರಿಸಿ ಮೊಬೈಲ್ ಹಾಗೂ ಬೆಲೆ ಬಾಳುವ ವಸ್ತುಗಳನ್ನು ಕಸಿದುಕೊಂಡಿರುವ ಅನುಮಾನ ಇದೆ. ಆದರೆ, ನೊಂದ ಯುವತಿ ಇಲ್ಲಿಯವರೆಗೂ ದೂರು ನೀಡಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
