ವಿದ್ಯಾರ್ಥಿಗಳೊಂದಿಗೆ ಅನುಚಿತ ವರ್ತನೆ ತೋರಿದ ಅರೇಬಿಕ್​ ಶಿಕ್ಷಕನ ಬಂಧನ! Tutor Arrest

ಮುಂಬೈ: ಅರೇಬಿಕ್​ ಭಾಷಾ ಶಿಕ್ಷಕನೊಬ್ಬ (Tutor Arrest) 12 ರಿಂದ 14 ವರ್ಷದೊಳಗಿನ ವಿದ್ಯಾರ್ಥಿಗಳೊಂದಿಗೆ ಅಸಭ್ಯವಾಗಿ ವರ್ತಿಸಿದ ಆರೋಪದ ಹಿನ್ನಲೆ ಆತನನ್ನು ಮುಂಬೈ ಪೊಲೀಸರು ಬಂಧಿಸಿರುವ ಘಟನೆ ಶುಕ್ರವಾರ (ಅ.31) ಬೆಳಕಿಗೆ ಬಂದಿದೆ.

ಪೊಲೀಸ್ ಅಧಿಕಾರಿಗಳ ಪ್ರಕಾರ, ಬುಧವಾರ (ಅ.29) ವಿದ್ಯಾರ್ಥಿಯ ತಾಯಿ ಒಬ್ಬರು ತನ್ನ ಮಗಳ ಮೇಲೆ ತರಗತಿ ಸಮಯದಲ್ಲಿ ಬೋಧಕನು ಅನುಚಿತ ವರ್ತನೆ ಮಾಡಿದ್ದಾನೆ ಎಂದು ಆರೋಪಿಸಿ ದೂರು ದಾಖಲಿಸಿದ್ದಾಳೆ.

ಇದನ್ನೂ ಓದಿ: ಡೆಲ್ಲಿ ಮಾಜಿ ಸಿಎಂಗೆ 7-ಸ್ಟಾರ್​ ಐಷಾರಾಮಿ ಬಂಗಲೆ! BJP ಆರೋಪ, AAP ಹೇಳಿದ್ದೇನು?

ಹೇಳಿಕೆಯಲ್ಲೇನಿದೆ?

ದೂರುದಾರರ ತಮ್ಮ ಮಗಳು ತರಗತಿಯ ಸಮಯದಲ್ಲಿ ಅಶ್ಲೀಲ ಸನ್ನೆಗಳನ್ನು ಮಾಡಿದ್ದಾರೆ, ಅನುಚಿತವಾಗಿ ವರ್ತನೆ ಮಾಡಿ ಆಕ್ಷೇಪಾರ್ಹ ವೀಡಿಯೊಗಳನ್ನು ತೋರಿಸಿದ್ದಾರೆ. ಹೆಚ್ಚಿನ ತನಿಖೆ ನಡೆಸಿದಾಗ ಅದೇ ತರಗತಿಯ ಇತರ ವಿದ್ಯಾರ್ಥಿನಿಗಳೊಂದಿಗೂ ಇದೇ ರೀತಿ ವರ್ತಿಸಿದ್ದಾನೆ ಎಂದು ಸುದ್ದಿಮೂಲಗಳು ವರದಿ ಮಾಡಿವೆ.

ದೂರಿನ ಆಧಾರದ ನಂತರ, ಪೊಲೀಸರು ವಿಚಾರಣೆ ನಡೆಸಿದ್ದು, ಭಾರತೀಯ ನ್ಯಾಯ ಸಂಹಿತಾ 2023 ರ ಸೆಕ್ಷನ್ 74, 75 ಮತ್ತು 79 ಮತ್ತು ಪೋಕ್ಸೊ ಕಾಯ್ದೆಯ ಸೆಕ್ಷನ್ 8 ರ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.

ಇದನ್ನೂ ಓದಿ: ವರ್ಚುವಲ್​ ಕೋರ್ಟ್​ ವಿಚಾರಣೆ ಸಮಯದಲ್ಲಿ ಪ್ಯಾಂಟ್​ ಇಲ್ಲದೇ ಕುಳಿತ ಅಧಿಕಾರಿ! ಮುಂದೇನಾಯ್ತು ನೋಡಿ..Pantless

ಆರೋಪಿಗಳ ಬಂಧನಕ್ಕೆ ವಿಶೇಷ ತಂಡ

ಆರೋಪಿಯನ್ನು ಪತ್ತೆಹಚ್ಚುವ ಸಲುವಾಗಿ ಪೊಲೀಸರು ವಿಶೇಷ ತಂಡವನ್ನು ರಚಿಸಿದ್ದು, ಆತನನ್ನು ಸಂಸ್ಥೆಯಲ್ಲೇ ಪತ್ತೆ ಮಾಡಿ ಬಂಧಿಸಲಾಗಿದೆ. ಆತನ ಮೊಬೈಲ್ ಫೋನ್ ಅನ್ನು ವಶಪಡಿಸಿಕೊಂಡು ವಿಧಿವಿಜ್ಞಾನ ವಿಭಾಗಕ್ಕೆ ಕಳುಹಿಸಲಾಗಿದ್ದು, ಅದರಲ್ಲಿ ಅನುಚಿತ ಸಂವಹನವಿದಿಯೇ ಎಂದು ನಿರ್ಧರಿಸುವುದಾಗಿ ತನಿಖೆ ನಡೆಸಲಾಗುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಆರೋಪಿಗಳು ಇತರ ವಿದ್ಯಾರ್ಥಿಗಳೊಂದಿಗೆ ಇದೇ ರೀತಿಯ ವರ್ತನೆಯಲ್ಲಿ ತೊಡಗಿದ್ದಾರೆಯೇ ಎಂದು ನಾವು ಪರಿಶೀಲನೆ ನಡೆಸುತ್ತಿದ್ದೇವೆ. ಈ ತನಿಖೆಯನ್ನು ಅತ್ಯಂತ ಎಚ್ಚರಿಕೆಯಿಂದ ಮತ್ತು ಸೂಕ್ಷ್ಮತೆಯಿಂದ ನಡೆಸಲಾಗುತ್ತಿದೆ ಎಂದು ಸೆವ್ರಿ ಪೊಲೀಸ್ ಠಾಣೆಯ ಹಿರಿಯ ಅಧಿಕಾರಿ ತಿಳಿಸಿದ್ದಾರೆ. (ಏಜೆನ್ಸೀಸ್​) 

https://www.vijayavani.net/us-cop-appears-pantless-in-virtual-court-hearing-stuns-judge