ಅತಿಥಿ ಶಿಕ್ಷಕ ನೇಮಕ: ತಾಲ್ಲೂಕುವಾರು ಪಟ್ಟಿ ಪ್ರಕಟ

ಬೆಂಗಳೂರು ರಾಜ್ಯ ಸರ್ಕಾರಿ ಪ್ರಾಥಮಿಕ ಶಾಲೆಗಳಿಗೆ 2ನೇ ಸುತ್ತಿನಲ್ಲಿ ಮಂಜೂರಾಗಿರುವ 8000 ಅತಿಥಿ ಶಿಕ್ಷಕ ಹುದ್ದೆಗಳ ಭರ್ತಿಗೆ ತಾಲ್ಲೂಕು ವಾರು ಹುದ್ದೆಗಳ ಹಂಚಿಕೆ ಪಟ್ಟಿಯನ್ನು ಶಿಕ್ಷಣ ಇಲಾಖೆ ಗುರುವಾರ ಬಿಡುಗಡೆ ಮಾಡಿದ್ದು, ಮುಂದಿನ ಒಂದು ವಾರದೊಳಗೆ ಈ ಹುದ್ದೆಗಳ ನೇಮಕಾತಿ ಪೂರ್ಣಗೊಳಿಸಲು ಸೂಚಿಸಿದೆ.

ಈಗಾಗಲೇ ಮೊದಲ ಸುತ್ತಿನಲ್ಲಿ 27 ಸಾವಿರ ಅತಿಥಿ ಶಿಕ್ಷಕರನ್ನು ನೇಮಕಾತಿ ಮಾಡಲಾಗಿದೆ. ಈಗ ಮಂಜೂರಾಗಿರುವ 8,000 ಹುದ್ದೆಗಳು ಸೇರಿ 35 ಸಾವಿರ ಹುದ್ದೆಗಳಾಗಿವೆ. ಈ ಬಾರಿಯ ಶಿಕ್ಷಕರ ವರ್ಗಾವಣೆಯಿಂದ ಖಾಲಿಯಾಗಿರುವ ಹುದ್ದೆಗಳಿಗೆ 2ನೇ ಸುತ್ತಿನಲ್ಲಿ ಮಂಜೂರಾಗಿರುವ ಅತಿಥಿ ಶಿಕ್ಷಕರನ್ನು ಷರತ್ತುಗಳ ಅನುಸಾರ ನೇಮಕ ಮಾಡಿ ವರ್ಗಾವಣೆಗೊಂಡಿರುವ ಶಿಕ್ಷಕರನ್ನು ಬಿಡುಗಡೆ ಮಾಡುವಂತೆ ಇಲಾಖೆ ಸೂಚಿಸಿದೆ.