ಪಾಕ್​ನಲ್ಲಿ ಈಗ ಪೆಟ್ರೋಲ್​ ಬೆಲೆ ಲೀಟರ್​ಗೆ 331 ರೂಪಾಯಿ!

ಇಸ್ಲಾಮಾಬಾದ್​: ಹಣದುಬ್ಬರದಿಂದ ಕಂಗೆಟ್ಟಿರುವ ಪಾಕಿಸ್ತಾನದಲ್ಲಿ ಇಂಧನ ತೈಲ ಬೆಲೆ ಈಗ ದಾಖಲೆಯ ಮಟ್ಟಕ್ಕೆ ಏರಿಕೆಯಾಗಿದೆ.

ಉಸ್ತುವಾರಿ ಸರ್ಕಾರದ ನಿಯೋಜಿತ ಪ್ರಧಾನಿ ಅನ್ವಾರುಲ್​ ಹಕ್​ ಕಕರ್​ ಅವರ ನಿರ್ದೇಶನದ ಮೇರೆಗೆ ಪೆಟ್ರೋಲ್​ ಪ್ರತಿ ಲೀಟರ್​ಗೆ 331.38 (26.02 ರೂ. ಹೆಚ್ಚಳ) ಹಾಗೂ ಡಿಸೇಲ್​ ಪ್ರತಿ ಲೀಟರ್​ಗೆ 239.18 ರೂ.ಗಳನ್ನು (17.34 ರೂ. ಹೆಚ್ಚಳ) ಶುಕ್ರವಾರ ರಾತ್ರಿಯಿಂದಲೇ ಬೆಲೆ ಏರಿಕೆ ಮಾಡಿರುವುದಾಗಿ ಹಣಕಾಸು ಸಚಿವಾಲಯ ಮಾಹಿತಿ ನೀಡಿದೆ.

ಆಗಸ್ಟ್​ ತಿಂಗಳಲ್ಲಿ ಉಂಟಾಗಿರುವ ಹಣದುಬ್ಬರದಿಂದಾಗಿ ಈವರೆಗೆ ಶೇ. 27.4ರಷ್ಟು ಇಂಧನ ತೈಲ ಬೆಲೆ ಏರಿಕೆ ಮಾಡಿದಂತಾಗಿದ್ದು, ಇದರಿಂದಾಗಿ ಖಾಸಗಿ ಮತ್ತು ಸಾರ್ವಜನಿಕ ಸೇವಾ ವಲಯದ ವಾಹನ ಸವಾರರಿಗೆ ಸಾಕಷ್ಟು ಹೊರೆಯಾಗಲಿದೆ ಎಂದು ಅಲ್ಲಿಯ ಡಾನ್​ ಸುದ್ದಿ ಪತ್ರಿಕೆ ವರದಿ ಮಾಡಿದೆ.

ಇದೇ ತಿಂಗಳ ಸೆ.1 ರಂದು ಪೆಟ್ರೋಲ್​ ಮತ್ತು ಡಿಸೇಲ್​ ಬೆಲೆಯಲ್ಲಿ ಪ್ರತಿ ಲೀಟರ್​ಗೆ 14 ರೂ. ಹೆಚ್ಚಿಸಲಾಗಿತ್ತು. ಅಲ್ಲದೆ, ಆಗಸ್ಟ್​ 15ರಂದು ಪೆಟ್ರೋಲ್​ 32.41 ಮತ್ತು ಡಿಸೇಲ್​ 38.49 ರೂ. ಏರಿಕೆ ಮಾಡಲಾಗಿತ್ತು. ಇದರಿಂದಾಗಿ ಕೇವಲ ಎರಡು ತಿಂಗಳಲ್ಲೇ ಪೆಟ್ರೋಲ್​ ಪ್ರತಿ ಲೀಟರ್​ಗೆ 58.43 ರೂ. ಮತ್ತು ಡಿಸೇಲ್​ ಪ್ರತಿ ಲೀಟರ್​ಗೆ 55.83 ರೂ. ಹೆಚ್ಚಿಸದಂತಾಗಿದೆ.

https://www.vijayavani.net/sikh-boy-sets-guinness-world-record-for-longest-hair-on-male-teenager

https://www.vijayavani.net/us-man-wins-5mn-lottery-buys-watermelon-flowers-for-wife