ನವದೆಹಲಿ: ಬಂಗಾರದ ದರ ಗುರುವಾರ 1,000 ರೂಪಾಯಿ ಕುಸಿದು 10 ಗ್ರಾಂ ದರ 70,650 ರೂಪಾಯಿಗೆ ತಲುಪಿತು. ಜಾಗತಿಕ ಮಾರುಕಟ್ಟೆಯಲ್ಲಿ ಚಿನ್ನದ ದರ ಕುಸಿತವಾಗಿ ಆಭರಣ ವರ್ತಕರು ದೊಡ್ಡ ಪ್ರಮಾಣದಲ್ಲಿ ಮಾರಾಟ ಮಾಡಿದ್ದು ಗುರುವಾರದ ಭಾರಿ ಕುಸಿತಕ್ಕೆ ಕಾರಣವಾಗಿದೆ. ಬುಧವಾರ ಚಿನ್ನದ ಧಾರಣೆ 10 ಗ್ರಾಮ್ೆ 71,650 ರೂ. ಆಗಿತ್ತು ಎಂದು ಅಖಿಲ ಭಾರತ ಸರಾಫ ಸಂಘ ಹೇಳಿದೆ. ರಾಷ್ಟ್ರ ರಾಜಧಾನಿಯ ಚಿನಿವಾರ ಮಾರುಕಟ್ಟೆಯಲ್ಲಿ ಬಂಗಾರದ ಬೆಲೆ ಸತತ ಮೂರನೇ ದಿನವೂ ಕುಸಿದು ಶೇಕಡ 99.9 ಹಾಗೂ ಶೇ. 99.5 ಶುದ್ಧತೆಯ ಚಿನ್ನದ ದರ ತಲಾ 1,000 ರೂಪಾಯಿ ಇಳಿಯಿತು. ಹೀಗಾಗಿ ಅವುಗಳ 10 ಗ್ರಾಂ ದರ ಅನುಕ್ರಮವಾಗಿ 70,650 ರೂ. ಹಾಗೂ 70,300 ರೂ. ಆಗಿತ್ತು.
