ಕರೊನಾ ವೈರಸ್​ನಿಂದ ಮಂಗಳೂರಿನಲ್ಲಿ ಮತ್ತೋರ್ವ ಸಾವು...

ಮಂಗಳೂರು: ಕರೊನಾ ವೈರಸ್​​ನಿಂದ ಮಂಗಳೂರಿನಲ್ಲಿ ಮತ್ತೋರ್ವ ವ್ಯಕ್ತಿ ಸಾವನ್ನಪ್ಪಿದ್ದಾರೆ. ದಕ್ಷಿಣ ಕನ್ನಡ ಜಿಲ್ಲೆಯ ಬೆಳ್ತಂಗಡಿ ಮೂಲದ ಈ ವ್ಯಕ್ತಿ ವೆನ್ಲಾಕ್​ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾರೆ.

ಇದನ್ನೂ ಓದಿ: ಡೆಡ್ಲಿ ಕೋವಿಡ್​-19ನಿಂದ ತುಮಕೂರಿನಲ್ಲಿ ವೃದ್ಧೆ ಸಾವು; ರಾಜ್ಯದಲ್ಲಿ 43ಕ್ಕೇರಿದ ಮೃತರ ಸಂಖ್ಯೆ

40 ವರ್ಷ ವಯಸ್ಸಿನ ಇವರು ವೇಣೂರಿನಲ್ಲಿ ಸಿಮೆಂಟ್ ಅಂಗಡಿಯ ಗೂಡ್ಸ್​ ರಿಕ್ಷಾ ಚಾಲಕರಾಗಿದ್ದರು. ಹೃದಯ ಸಂಬಂಧಿ ಕಾಯಿಲೆಗೆ ಚಿಕಿತ್ಸೆ ಪಡೆಯಲು ಶನಿವಾರ ರಾತ್ರಿ ವೆನ್ಲಾಕ್​ ಆಸ್ಪತ್ರೆಗೆ ಆಗಮಿಸಿದ್ದರು. ಅಂದೇ ರಾತ್ರಿ ಮೃತಪಟ್ಟಿದ್ದರು.

ಇವರ ಸಾವಿನ ಬಳಿಕ ಮೃತದೇಹಕ್ಕೆ ಕರೊನಾ ಟೆಸ್ಟ್ ಮಾಡಲಾಗಿತ್ತು. ಅದರ ವರದಿಯೀಗ ಬಂದಿದ್ದು, ಕೊವಿಡ್​-19 ಪಾಸಿಟಿವ್​ ಆಗಿದೆ. ಈ ವ್ಯಕ್ತಿಯ ಸಂಪರ್ಕಕ್ಕೆ ಬಂದವರನ್ನು ಪತ್ತೆಹಚ್ಚುವ ಕಾರ್ಯ ನಡೆಯುತ್ತಿದೆ.  ಕರೊನಾಕ್ಕೆ ಮಂಗಳೂರಿನಲ್ಲಿಯೇ ಆರು ಮಂದಿ ಮೃತಪಟ್ಟಿದ್ದು, ರಾಜ್ಯದಲ್ಲಿ ಸಾವಿನ ಸಂಖ್ಯೆ 44ಕ್ಕೆ ಏರಿದೆ.

ಇದನ್ನೂ ಓದಿ: ಸೋಂಕಿಗೆ ಸೆನ್ಸ್ ಮಾಸ್ಕ್ ಶಾಕ್