ಒಟ್ಟಾವಾ: ಭಾರತ ಮೂಲದ ರಾಜಕಾರಣಿ ಅನಿತಾ ಆನಂದ್, ಕೆನಡಾದ ನೂತನ ವಿದೇಶಾಂಗ ಸಚಿವರಾಗಿ ಅಧಿಕಾರ ಸ್ವೀಕರಿಸಿದ್ದಾರೆ. ಪ್ರಧಾನಿ ಮಾರ್ಕ್ ಕಾರ್ನಿಯವರ ಸಚಿವ ಸಂಪುಟದ ಪುನಾರಚನೆ ವೇಳೆ ಅನಿತಾ ಅವರಿಗೆ ಮಹತ್ವದ ಖಾತೆಯ ಹೊಣೆಗಾರಿಕೆ ಸಿಕ್ಕಿದೆ. ಇದಕ್ಕೂ ಮುನ್ನ ಅವರು ಕೆನಡಾದ ರಕ್ಷಣೆ ಹಾಗೂ ಇತರ ಖಾತೆಗಳ ಸಚಿವರಾಗಿ ಕಾರ್ಯ ನಿರ್ವಹಿಸಿದ್ದರು. ಆಳುವ ಲಿಬರಲ್ ಪಕ್ಷದ ಹಿರಿಯ ಸದಸ್ಯರಲ್ಲಿ ಒಬ್ಬರಾಗಿರುವ 58 ವರ್ಷದ ಅನಿತಾ, ಭಗವದ್ಗೀತೆ ಮೇಲೆ ಪ್ರಮಾಣ ಮಾಡಿ ಅಧಿಕಾರ ಸ್ವೀಕರಿಸಿದರು. ಹಿಂದೆ ಸಚಿವರಾದಾಗಲೂ ಅವರು ಹೀಗೇ ಮಾಡಿದ್ದರು. ಕಾರ್ನಿ ನೇತೃತ್ವದ 28 ಸದಸ್ಯರ ಸಂಪುಟದಲ್ಲಿ ಅರ್ಧದಷ್ಟು ಮಹಿಳೆಯರಿರುವುದು ಗಮನಾರ್ಹವಾಗಿದೆ.
