'ಫಾದರ್'ನಲ್ಲಿ ಕೃಷ್ಣನಿಗೆ 2ನೇಬಾರಿ ಜೋಡಿಯಾದ ಅಮೃತಾ ಅಯ್ಯಂಗಾರ್!

ಬೆಂಗಳೂರು: ಡಾರ್ಲಿಂಗ್ ಕೃಷ್ಣ ನಟನೆಯ 'ಫಾದರ್' ಸಿನಿಮಾಗೆ ಅಮೃತಾ ಅಯ್ಯಂಗಾರ್ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. ಈ ನಟನ ಜೊತೆ ಎರಡನೇ ಬಾರಿ ಅಮೃತಾ ತೆರೆ ಹಂಚಿಕೊಳ್ಳುತ್ತಿದ್ದಾರೆ. ಇದೊಂದು ವಿಶೇಷ ಪಾತ್ರವಾಗಿದ್ದು, ಚಿತ್ರದುದ್ದಕ್ಕೂ ಮೇಕಪ್ ಇಲ್ಲದೇ ನಟಿಸುವಂತಹ ಪಾತ್ರ ಅದಾಗಿದೆ ಎಂದಿದ್ದಾರೆ. ಇಂಥದ್ದೊಂದು ಪಾತ್ರ ಸಿಕ್ಕಿರೋದಕ್ಕೆ ಖುಷಿಯಾಗುತ್ತಿದೆ ಎಂದು ಅವರು ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ‘ನನ್ನ ಹಿಂಭಾಗವನ್ನೇ ಯಾಕೆ ತೋರಿಸ್ತೀರಿ?’: ಖ್ಯಾತ ನಟಿ ಹೀಗೆನ್ನಲು ಕಾರಣವಿದೆ ನೋಡಿ..

ಕೃಷ್ಣ ಚೊಚ್ಚಲ ನಿರ್ದೇಶನದ 'ಲವ್ ಮಾಕ್‌ಟೇಲ್' ನಲ್ಲಿನ ಜನಪ್ರಿಯ 'ಜೋ' ಪಾತ್ರವು ಅಮೃತಾಗೆ ಭಾರೀ ಹೆಸರು ತಂದು ಕೊಟ್ಟಿತು. ಹೀಗಾಗಿ ಈ ಕಾಂಬಿನೇಷನ್ ಅನ್ನು ಮತ್ತೆ ಬೆಳ್ಳಿತೆರೆಯಲ್ಲಿ ನೋಡಲು ಕುತೂಹಲ ಹೆಚ್ಚಿದೆ. ಚಿತ್ರದ ಮುಹೂರ್ತದ ದಿನದಂದು ಅಮೃತಾ ಚಿತ್ರತಂಡಕ್ಕೆ ಸೇರ್ಪಡೆಗೊಳ್ಳುವ ಬಗ್ಗೆ ಅಧಿಕೃತ ಘೋಷಣೆ ಮಾಡಲಾಗುವುದು. 'ಹನುಮಾನ್' ಚಿತ್ರದ ಸಂಗೀತ ನಿರ್ದೇಶಕ 'ಗೌರ ಹರಿ' ಈ ಚಿತ್ರದ ಮೂಲಕ ಕನ್ನಡಕ್ಕೆ ಪಾದಾರ್ಪಣೆ ಮಾಡುತ್ತಿದ್ದಾರೆ.

ಇನ್ವೆನಿಯೊ ಒರಿಜಿನ್ ಕಂಪನಿಯ ಆರ್ ಚಂದ್ರು, ಅಲಂಕಾರ್ ಪಾಂಡಿಯನ್ ಮತ್ತು ಉದ್ಯಮಿ ಸೀಕಲ್ ರಾಮಚಂದ್ರ ಗೌಡ ಅವರ ಸಹಯೋಗದೊಂದಿಗೆ, 'ಫಾದರ್' ಸಿನಿಮಾ ಕೃಷ್ಣ ಮತ್ತು ಅಮೃತಾ ಇಬ್ಬರಿಗೂ ಮೊದಲ ಪ್ಯಾನ್ ಇಂಡಿಯಾ ಸಿನಿಮಾವಾಗಿದೆ.

'ಫಾದರ್' ಹೊರತಾಗಿ, 'ಪಿಒಕೆ', 'ಶ್ರೀ ರಾಮಬಾಣ ಚರಿತ', 'ಡಾಗ್', 'ಕಬ್ಜಾ 2' ಮತ್ತು ಶಿವರಾಜಕುಮಾರ್ ಅವರೊಂದಿಗಿನ ಮತ್ತೊಂದು ಸಿನಿಮಾ ಸೇರಿ ಇನ್ನೂ ಐದು ಪ್ರಾಜೆಕ್ಟ್ ಗಳು ಸಿದ್ಧವಾಗಿವೆ. ಸದ್ಯ ಕೃಷ್ಣ ಅವರು ತಮ್ಮ'ಹಲಗಲಿ' ಚಿತ್ರೀಕರಣದಲ್ಲಿ ನಿರತರಾಗಿದ್ದಾರೆ. ಅದರ ಜೊತೆಯಲ್ಲಿ 'ಫಾದರ್' ಚಿತ್ರೀಕರಣವನ್ನು ಪ್ರಾರಂಭಿಸುತ್ತಾರೆ. ಅಮೃತಾ ಬಗ್ಗೆ ಹೇಳುವುದಾದರೆ,  ಈ ನಟಿ ಕೊನೆಯದಾಗಿ 'ಅಬ್ಬಬ್ಬಾ'ದಲ್ಲಿ ಕಾಣಿಸಿಕೊಂಡಿದ್ದರು. ಅವರು ಧನಂಜಯ್ ಮತ್ತು ಸತ್ಯದೇವ್ ಅಭಿನಯದ ಕನ್ನಡ ಮತ್ತು ತೆಲುಗಿನಲ್ಲಿ ಮಾಡಿದ ದ್ವಿಭಾಷಾ ಯೋಜನೆಯಾದ 'ಜೀಬ್ರಾ' ಚಿತ್ರೀಕರಣವನ್ನು ಸಹ ಪೂರ್ಣಗೊಳಿಸಿದ್ದಾರೆ.

https://www.vijayavani.net/bigg-boss-fame-priyanka-singh-gives-savage-reply-to-netizen