Amitabh Bachchan | ಲಾಲ್‌ಬಾಗ್ಚಾ ರಾಜಾಗೆ 11 ಲಕ್ಷ ರೂಪಾಯಿ ದೇಣಿಗೆ ನೀಡಿದ ಅಮಿತಾಬ್​ ಬಚ್ಚನ್; ಕಾಣಿಕೆಯನ್ನು ಈ ಕಾರ್ಯಕ್ಕೆ ನೀಡಬಹುದಿತ್ತಲ್ಲ ಎಂದ ನೆಟ್ಟಿಗರು!​​​

Amitabh Bachchan: ಅಮಿತಾಬ್ ಬಚ್ಚನ್ ಪ್ರತಿವರ್ಷ ಮುಂಬೈನ ಪ್ರಸಿದ್ಧ ಲಾಲ್‌ಬಾಗ್ಚಾ ರಾಜಾಗೆ ಭೇಟಿ ನೀಡುತ್ತಾರೆ. ಅದೇ ರೀತಿ ಈ ಬಾರಿಯೂ ತಮ್ಮ ಕುಟುಂಬದೊಂದಿಗೆ ಲಾಲ್‌ಬಾಗ್ ಗಣಪತಿ ದರ್ಶನ ಪಡೆದು, ಅವರ ಪ್ರತಿನಿಧಿಯ ಮೂಲಕ ಸಮಿತಿಗೆ 11 ಲಕ್ಷ ರೂ.ಗಳನ್ನು ಕಾಣಿಕೆಯಾಗಿ ಸಲ್ಲಿಸಿದ್ದಾರೆ ಎಂದು ವರದಿಯಾಗಿದೆ.

ವೈರಲ್ ಭಯಾನಿ ಎಂಬ ಇನ್‌ಸ್ಟಾಗ್ರಾಮ್‌ನಲ್ಲಿ ಖಾತೆಯ ಮೂಲಕ ಈ ವಿಷಯ ಬಹಿರಂಗಗೊಂಡಿದ್ದು, ಲಾಲ್‌ಬೌಗ್ಚಾ ರಾಜಾ ಕಾರ್ಯದರ್ಶಿ ಸುಧೀರ್ ಸಾಲ್ವಿ ಮೆಗಾ ಗಣೇಶ ವಿಗ್ರಹದ ಬಳಿ ಚೆಕ್ ಹಿಡಿದಿರುವ ವಿಡಿಯೋ ಸದ್ಯ ವೈರಲ್ ಆಗಿದೆ.

ಇದನ್ನೂ ಓದಿ:ಅಭಿವೃದ್ಧಿಯೇ ಮೊದಲ ಆದ್ಯತೆ

ವಿಡಿಯೋ ಶೀರ್ಷಿಕೆ

ಅಮಿತಾಬ್ ಬಚ್ಚನ್ ಜಿ ಅವರು ಲಾಲ್‌ಬೌಗ್ಚಾ ರಾಜಾಗೆ ಉದಾರವಾಗಿ 11 ಲಕ್ಷ ರೂ.ಗಳನ್ನು ದೇಣಿಗೆ ನೀಡಿದರು, ಇದನ್ನು ಕಾರ್ಯದರ್ಶಿ ಸುಧೀರ್ ಸಾಲ್ವಿ ಜಿ ಸ್ವೀಕರಿಸಿದರು.

ಮಿಶ್ರಪ್ರತಿಕ್ರಿಯೆ ವ್ಯಕ್ತಪಡಿಸಿದ ನೆಟ್ಟಿಗರು

ಅಮಿತಾಬ್​​ ಬಚ್ಚನ್​ರ ಈ ಕಾರ್ಯದ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಮಿಶ್ರ ಪ್ರತಿಕ್ರಿಯೆಗಳು ವ್ಯಕ್ತವಾಗಿದ್ದು, ಬಿಗ್​ಬಿ ಔದಾರ್ಯ ಮತ್ತು ನಂಬಿಕೆಯನ್ನು ಹಲವರು ಶ್ಲಾಘಿಸಿದರೆ, ಆ ದೇಣಿಗೆಯನ್ನು ಪಂಜಾಬ್​ ಪ್ರವಾಹಕ್ಕೆ ತುತ್ತಾಗಿರುವವರ ಪರಿಹಾರಕ್ಕೆ ಏಕೆ ನೀಡಲಿಲ್ಲ ಎಂದು ಕೆಲವರು ಪ್ರಶ್ನಿಸಿದ್ದಾರೆ. ಇನ್ನೂ ಕೆಲವರು, ಸೆಲೆಬ್ರಿಟಿಗಳು ಧಾರ್ಮಿಕ ಕಾರಣಗಳಿಗಾಗಿ ದೇಣಿಗೆ ನೀಡಲು ಬೇಗನೆ ಹೋಗುತ್ತಾರೆ ಆದರೆ ವಿಪತ್ತಿನ ಸಮಯದಲ್ಲಿ ಸಹಾಯ ಮಾಡಲು ಮುಂದೆ ಬರುವುದು ತುಂಬಾ ಕಡಿಮೆ ಎಂದಿದ್ದಾರೆ.

ಅಮಿತಾಬ್​​ ಹೊರತುಪಡಿಸಿ, ಶಿಲ್ಪಾ ಶೆಟ್ಟಿ, ಮಲೈಕಾ ಅರೋರಾ, ಜಾನ್ವಿ ಕಪೂರ್, ಸಿದ್ಧಾರ್ಥ್ ಮಲ್ಹೋತ್ರಾ ಮತ್ತು ಇತರ ನಟ ನಟಿಯರು ಲಾಲ್​ಬಾಗ್​​ ರಾಜಾಗೆ ಭೇಟಿ ನೀಡಿ ಆಶೀರ್ವಾದ ಪಡೆದುಕೊಂಡರು.

ಲಾಲ್​ಬಾಗ್​​ ರಾಜಾ ಇತಿಹಾಸ

1934 ರಲ್ಲಿ ಸ್ಥಾಪನೆಯಾಗಿರುವ ಲಾಲ್‌ಬಾಗ್​​ ರಾಜಾ ಸಾರ್ವಜನಿಕ ಗಣೇಶೋತ್ಸವ ಮಂಡಲವು ಮುಂಬೈನಲ್ಲಿ ಸಾಂಸ್ಕೃತಿಕ ಮತ್ತು ಆಧ್ಯಾತ್ಮಿಕ ಹೆಗ್ಗುರುತಾಗಿ ಬೆಳೆದಿದೆ, ಇಲ್ಲಿನ ಗಣಪತಿಯ ಆಶೀರ್ವಾದ ಪಡೆಯಲು ರಾಜಕಾರಣಿಗಳು, ಉದ್ಯಮಿಗಳು, ನಟ ನಟಿಯರು ಸೇರಿದಂತೆ ಅನೇಕ ಗಣ್ಯರು ಆಗಮಿಸುತ್ತಾರೆ.(ಏಜೆನ್ಸೀಸ್​​)

https://www.vijayavani.net/kerala-congress-tweet-bidi-bihar-remark-after-gst-reforms-irks-bjp-true-character-exposed