ಟ್ರಂಪ್​ ಹತ್ಯೆಗೆ ಇರಾನ್​ ಸಂಚು..ಯುಎಸ್​ ಗುಪ್ತಚರ ವರದಿ ಹೇಳಿದ್ದೇನು? ವಿವರ ಇಲ್ಲಿದೆ..

ವಾಷಿಂಗ್ಟನ್​: ಡೊನಾಲ್ಡ್ ಟ್ರಂಪ್ ಹತ್ಯೆಗೆ ಇರಾನ್ ಸಂಚು ರೂಪಿಸಿತ್ತು ಎಂದು ಅಮೆರಿಕಾ ಭದ್ರತಾ ಅಧಿಕಾರಿಗಳಿಗೆ ಆ ದೇಶದ ಗುಪ್ತಚರ ವರದಿ ತಲುಪಿದೆ.

ಪೆನ್ಸಿಲ್ವೇನಿಯಾದಲ್ಲಿ ಶನಿವಾರ ಟ್ರಂಪ್​ ಮೇಲೆ ಗುಂಡಿನ ದಾಳಿ ನಡೆದಿದ್ದು, ಕೆಲವು ವಾರಗಳ ಮೊದಲು ಸಂಚು ರೂಪಿಸಲಾಗಿತ್ತು. ಇದು ತಿಳಿದ ಕೂಡಲೇ ಅವರಿಗೆ ಭದ್ರತೆಯನ್ನು ಹೆಚ್ಚಿಸಲಾಗಿತ್ತು ಎಂದು ಭದ್ರತಾ ಪಡೆಗಳು ತಿಳಿಸಿವೆ.

ಇದನ್ನೂ ಓದಿ: ಕೇದಾರನಾಥದಲ್ಲಿ 228ಕೆಜಿ ಚಿನ್ನ ನಾಪತ್ತೆ ಪ್ರಕರಣ..ಕಾಂಗ್ರೆಸ್​ ಪರ ಶಂಕರಾಚಾರ್ಯ ಎಂದಿದ್ದೇಕೆ ದೇಗುಲ ಸಮಿತಿ!

ಇನ್ನು ಟ್ರಂಪ್ ಹತ್ಯೆಗೆ ಯತ್ನಿಸಿದ 20 ವರ್ಷದ ಯುವಕನಿಗೂ ಇರಾನ್‌ನ ಪಿತೂರಿಗೂ ಯಾವುದೇ ಸಂಬಂಧವಿಲ್ಲ ಆದರೆ ಟ್ರಂಪ್​ ಟ್ರಂಪ್​ ಅವರಿಗೆ ಜೀವಬೆದರಿಕೆ ಇದ್ದ ಕಾರಣ ಪ್ರಚಾರ ಕಾರ್ಯಕ್ರಮಗಳಲ್ಲಿ ಭದ್ರತೆಯನ್ನು ಹೆಚ್ಚಿಸಲಾಗಿತ್ತು. ಅವರು ಅಧಿಕಾರದಲ್ಲಿದ್ದಾಗ ಇರಾನ್​ ಸುಪ್ರೀಂ ಕಮಾಂಡರ್ ಖಾಸೀಂ ಸುಲೇಮಾನ್​ನನ್ನು ಡ್ರೋನ್ ದಾಳಿಯಲ್ಲಿ ಅಮೆರಿಕ ಕೊಂದಿದ್ದು, ಅಂದಿನಿಂದ ಇರಾನ್‌ನಿಂದ ಬೆದರಿಕೆಗಳು ಬರುತ್ತಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಟ್ರಂಪ್​ ಅವರಿಗೆ ಇರುವ ಬೆದರಿಕೆಯ ಕುರಿತು ನಿರಂತರ ಮಾಹಿತಿ ಪಡೆಯುತ್ತಿದ್ದೇವೆ. ಅದಕ್ಕೆ ತಕ್ಕಂತೆ ಭದ್ರತೆ ಹೆಚ್ಚಿಸುತ್ತಿದ್ದೇವೆ. ಅವರಿಗೆ ಇರುವ ಪ್ರತಿ ಬೆದರಿಕೆಯನ್ನು ಗಂಭೀರವಾಗಿ ಪರಿಗಣಿಸುತ್ತಿದ್ದೇವೆ. ಎಂದು ಸೇಕ್ರೇಟ್​ ಸರ್ವೀಸಸ್​ ವಕ್ತಾರ ಆಂಟೋನಿ ಗುಗ್ಲಿಯೆಲ್ಮಿ ಹೇಳಿದ್ದಾರೆ.

ಟ್ರಂಪ್ ಸೇರಿದಂತೆ ಯುನೈಟೆಡ್ ಸ್ಟೇಟ್ಸ್‌ನ ಆಡಳಿತಗಾರರಿಗೆ ಇರಾನ್ ಒಡ್ಡುವ ಬೆದರಿಕೆಗಳನ್ನು ಯುಎಸ್ ಭದ್ರತಾ ಅಧಿಕಾರಿಗಳು ಮೇಲ್ವಿಚಾರಣೆ ಮುಂದುವರೆಸಿದ್ದಾರೆ ಎಂದು ಶ್ವೇತಭವನದ ರಾಷ್ಟ್ರೀಯ ಭದ್ರತಾ ಮಂಡಳಿಯ ವಕ್ತಾರ ಅಡ್ರಿಯನ್ ವಾಟ್ಸನ್​ ಬಹಿರಂಗಪಡಿಸಿದ್ದಾರೆ.

ಈ ಸುದ್ದಿಯನ್ನು ಇರಾನ್ ಮಿಷನ್​ ವಿಶ್ವಸಂಸ್ಥೆಯಲ್ಲಿ ತೀವ್ರವಾಗಿ ಖಂಡಿಸಿದೆ. ಅವರು ಆರೋಪಗಳನ್ನು ಸುಳ್ಳು ಮತ್ತು ದುರುದ್ದೇಶಪೂರಿತವೆಂದು ತಳ್ಳಿಹಾಕಿದೆ. ಟ್ರಂಪ್ ಅವರನ್ನು ನ್ಯಾಯಾಲಯದಲ್ಲಿ ಶಿಕ್ಷಿಸಬೇಕಾಗಿದೆ ಎಂದು ಹೇಳಿದೆ.

ಟ್ರಂಪ್​ ಮೇಲೆ ಹತ್ಯೆ ಯತ್ನವಾದ ನಂತರ ಎಕೆ 47 ಹೊಂದಿದ ವ್ಯಕ್ತಿಯೊಬ್ಬನನ್ನು ಭದ್ರತಾ ಪಡೆಗಳು ಬಂಧಿಸಿವೆ.

https://www.vijayavani.net/russian-army-marches-in-made-in-bihar-boots