ಹಳಿ ತಪ್ಪಿತು ಅಮರಾವತಿ ಎಕ್ಸ್​ಪ್ರೆಸ್​; ಗೋವಾದ ದೂಧ್‌ಸಾಗರ- ಕಾರಂಜೋಲ್ ಮಾರ್ಗ ಮಧ್ಯೆ ದುರ್ಘಟನೆ..

ಬೆಳಗಾವಿ: ಗೋವಾದ ದೂಧ್‌ಸಾಗರ- ಕಾರಂಜೋಲ್ ಮಾರ್ಗ ಮಧ್ಯೆ ಅಮರಾವತಿ ಎಕ್ಸ್​ಪ್ರೆಸ್ ರೈಲು ಹಳಿ ತಪ್ಪಿದೆ. ವಾಸ್ಕೊ ಮತ್ತು ಹೌರಾ ನಡುವೆ ಸಂಚರಿಸುವ ಈ ಅಮರಾವತಿ ಎಕ್ಸ್‌ಪ್ರೆಸ್​ನ ಮುಂಭಾಗದ ಗಾಲಿಗಳು ಹಳಿ ತಪ್ಪಿ ಆತಂಕದ ವಾತಾವರಣ ಸೃಷ್ಟಿಯಾಗಿತ್ತು.

ಇಂದು ಬೆಳಗ್ಗೆ 6.30ಕ್ಕೆ ವಾಸ್ಕೊದಿಂದ ಹೊರಟ್ಟಿದ್ದ ಅಮರಾವತಿ ಎಕ್ಸ್‌ಪ್ರೆಸ್‌, ಕಾರಂಜೋಲ್‌ ಬಳಿ ಸಾಗುತ್ತಿದ್ದಾಗ ರೈಲಿನ ಮುಂಭಾಗದ ಗಾಲಿಗಳು ಹಳಿ ತಪ್ಪಿವೆ. ಅದೃಷ್ಟವಶಾತ್​ ಭಾರಿ ಪ್ರಮಾಣದ ಯಾವುದೇ ಅಪಘಾತ ಉಂಟಾಗಿಲ್ಲ. ಮಾತ್ರವಲ್ಲ ಲೋಕೋಪೈಲೇಟ್ ಚಾಣಾಕ್ಷತನದಿಂದ ತಪ್ಪಿದ ಭಾರಿ ದುರಂತ ತಪ್ಪಿಹೋಗಿದೆ.

ಇದನ್ನೂ ಓದಿ: ಗಾಂಧಿನಗರದಲ್ಲಿ ತಯಾರಾಗುತ್ತಿದೆ ‘ಡೋಸ್’​; ತಯಾರಿಗೆ ನಿಂತಿದೆ ಉತ್ಸಾಹಿ ಯುವಕರ ತಂಡ..

ಹಳಿ ತಪ್ಪಿದ ಕೆಲವೇ ಹೊತ್ತಲ್ಲಿ ಕ್ಯಾಸಲ್​ರಾಕ್​ನಿಂದ ಅಪಘಾತ ಪರಿಹಾರ ರೈಲು ಧಾವಿಸಿದ್ದು, ಸೂಕ್ತ ನೆರವು ನೀಡಿದೆ. ರೈಲಿನಲ್ಲಿದ್ದ ಪ್ರಯಾಣಿಕರಿಗೆ ಬೆಳಗ್ಗೆ ಉಪಾಹಾರ, ಮಧ್ಯಾಹ್ನದ ಊಟ ಪೂರೈಕೆ ಮಾಡಲಾಗಿದೆ.

ನಂತರ ಬೇರೆ ಇಂಜಿನ್ ಬಳಸಿ ಅಮರಾವತಿ ಎಕ್ಸ್​ಪ್ರೆಸ್​ ಪ್ರಯಾಣ ಮರು ಆರಂಭಿಸಿದೆ. ಆದರೆ ಇದೇ ಮಾರ್ಗದಲ್ಲಿ ಸಂಚರಿಸಬೇಕಿದ್ದ ಎರ್ನಾಕುಲಂ-ಪುಣೆ ಎಕ್ಸ್‌ಪ್ರೆಸ್‌ ರೈಲು ಸಂಚಾರದಲ್ಲಿ ವಿಳಂಬವಾಗಿದೆ.

https://www.vijayavani.net/love-continued-after-marriage-ends-in-death-of-lovers/

https://www.vijayavani.net/police-filed-fir-for-celebrating-rathothsava-amidst-covid-restrictions/