ದಂಪತಿ 2014ರ ಮೇ 19ರಂದು ಮದುವೆಯಾಗಿದ್ದು, ಅಂದಿನಿಂದ ಮನೆಯಲ್ಲಿ ಅಶುಭ ಕಾರ್ಯ ನಡೆಯುತ್ತಲೇ ಇತ್ತು. ಈ ಸಂಬಂಧ ಜ್ಯೋತಿಷಿ ಇಲ್ಲವೇ ದೇವಮಾನವರನ್ನು ಭೇಟಿಯಾಗಿ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಬೇಕು ಎಂಬುದಾಗಿ ಪತಿ ಕುಟುಂಬದವರು ಒತ್ತಾಯಯಿಸಿದ್ದಾರೆ. ಹೀಗಾಗಿ ಪತಿ ಅರ್ಜಿದಾರರ ಜ್ಯೋತಿಷ್ಯಾಲಯಕ್ಕೆ ಕರೆದೊಯ್ದಿದ್ದರು. ಈ ವೇಳೆ ಜ್ಯೋತಿಷಿ ಬಳಿ ಹೋದಾಗ ದೂರುದಾರಳ ಕುಂಡಲಿ ಸರಿಪಡಿಸುವುದಕ್ಕಾಗಿ ಪೂಜೆ ಮಾಡುವ ಸೋಗಿನಲ್ಲಿ ಆಕೆ ದೇಹವನ್ನು ಅನುಚಿತವಾಗಿ ಸ್ಪರ್ಶಿಸಿ ಅಪರಾಧವೆಸಗಿದ್ದಾರೆ. ಈ ವೇಳೆ ದೂರುದಾರರ ಪತಿ ಸ್ಥಳದಲ್ಲಿ ಹಾಜರಿದ್ದರೂ, ಜ್ಯೋತಿಷಿ ರ್ವತನೆಯನ್ನು ಪ್ರಶ್ನಿಸಲಿಲ್ಲ. ಹೀಗಾಗಿ ಕೃತದಲ್ಲಿ ಇಬ್ಬರೂ ಆರೋಪಿಗಳ ಭಾಗಿಯಾಗಿದ್ದಾರೆ ಎಂದು ದೂರಿನಲ್ಲಿ ವಿವರಿಸಿದ್ದರು. ಈ ಸಂಬಂಧ ಅರ್ಜಿದಾರರ ವಿರುದ್ಧ ಭಾರತೀಯ ದಂಡ ಸಂಹಿತೆ ಸೆಕ್ಷನ್ 498ಎ, 354, 354ಎ, 508 ಮತ್ತು 34ರ ಅಡಿಯಲ್ಲಿ ಎಫ್ಐಆರ್ ದಾಖಲಾಗಿತು. ಇದನ್ನು ಪ್ರಶ್ನಿಸಿ ಅರ್ಜಿ ಸಲ್ಲಿಸಿದ್ದರು.
