ಸೂರಜ್ಪುರ ಜಿಲ್ಲೆಯ ಯುವಕನೊಬ್ಬ ತನ್ನ ತಂದೆಯಿಂದ ಜೀವನಾಂಶ ಮತ್ತು ಆಸ್ತಿಯಲ್ಲಿ ಪಾಲು ಕೇಳಿದ್ದ. ಕೌಟುಂಬಿಕ ನ್ಯಾಯಾಲಯವು ಆತನ ಮನವಿಯನ್ನು ವಜಾಗೊಳಿಸಿದ್ದರಿಂದ ಉಚ್ಚ ನ್ಯಾಯಾಲಯದ ಮೊರೆ ಹೋಗಿದ್ದ. ಕೌಟುಂಬಿಕ ನ್ಯಾಯಾಲಯದ ಆದೇಶ ತಳ್ಳಿಹಾಕಿದ ಹೈಕೋರ್ಟ್, ಕೆಳ ನ್ಯಾಯಾಲಯದ ತೀರ್ಪು ನೆಲದ ಕಾನೂನಿಗೆ ಅನುಗುಣವಾಗಿಲ್ಲ ಎಂದು ತೀರ್ಪು ನೀಡಿದೆ. ಯುವಕನ ಜೈವಿಕ ತಂದೆ ಮತ್ತು ತಾಯಿ ನೆರೆಹೊರೆಯವರಾಗಿದ್ದರು ಮತ್ತು ಸಂಬಂಧ ಹೊಂದಿದ್ದರಿಂದ ಆಕೆ ಗರ್ಭಿಣಿಯಾಗಿದ್ದಳು. ತಂದೆ ಗರ್ಭಪಾತಕ್ಕೆ ಒತ್ತಾಯಿಸಿದರೂ ತಾಯಿ ನಿರಾಕರಿಸಿ, ಅತ್ಯಾಚಾರದ ದೂರು ದಾಖಲಿಸಿದರು. 1995ರಲ್ಲಿ ಈ ಯುವಕನಿಗೆ ಜನ್ಮ ನೀಡಿದ್ದ ತಾಯಿ, ಆತನನ್ನು ಒಬ್ಬಂಟಿಯಾಗಿದ್ದುಕೊಂಡೇ ಬೆಳೆಸಿದ್ದಳು. ಯಾವುದೇ ಆದಾಯದ ಮೂಲವಿಲ್ಲದೆ ಮತ್ತು ಸಾಮಾಜಿಕ ಬಹಿಷ್ಕಾರ ಎದುರಿಸುತ್ತಿರುವ ತಾಯಿ, ಯುವಕನ ಜೊತೆಗೆ ಸೂರಜ್ಪುರ ಕೌಟುಂಬಿಕ ನ್ಯಾಯಾಲಯದಲ್ಲಿ ಸೆಕ್ಷನ್ 125 ಸಿಆರ್ಪಿಸಿ ಅಡಿಯಲ್ಲಿ ತಂದೆಯಿಂದ ಜೀವನಾಂಶ ಕೋರಿದ್ದರು. ತಂದೆಯ ಹೆಸರನ್ನು ಸೂಚಿಸುವ ಅಧಿಕೃತ ಮತ್ತು ಸರ್ಕಾರೇತರ ದಾಖಲೆಗಳಿದ್ದರೂ ಪಿತೃತ್ವವನ್ನು ತಂದೆ ನಿರಾಕರಿಸಿದ್ದರು.
