ಕುಡುಕರಿಗೆ ಬೆಲೆ ಹೆಚ್ಚಳದ ಕಿಕ್​ ಏರಿಸಲಿದೆ ರಾಜ್ಯ ಸರ್ಕಾರ! ಮದ್ಯ ದರ ಏರಿಕೆ ಎಷ್ಟಾಗುತ್ತೆ?

ಬೆಂಗಳೂರು: ಮಾರ್ಚ್​ ಮೊದಲ ವಾರದಲ್ಲಿ ರಾಜ್ಯ ಬಜೆಟ್​ ಮಂಡನೆಯಾಗಲಿದ್ದು, ಕರೊನಾದಿಂದ ಕಂಗೆಟ್ಟಿರುವ ಜನತೆ ಹಲವು ಯೋಜನೆಗಳ ನಿರೀಕ್ಷೆಯಲ್ಲಿದ್ದಾರೆ. ಹೆಚ್ಚುತ್ತಿರುವ ಬೆಲೆ ಏರಿಕೆ, ಕುಸಿಯುತ್ತಿರುವ ಸಂಪಾದನೆ ಮಟ್ಟ ಈ ಎರಡನ್ನೂ ಬ್ಯಾಲೆನ್ಸ್​ ಮಾಡಿಕೊಂಡು ಬದುಕಿನ ಬಂಡಿ ಸಾಗಿಸುವುದೇ ಜನಸಾಮಾನ್ಯರಿಗೆ ದುಸ್ತರ ಎನಿಸಿದೆ. ಇದೇ ಪರಿಸ್ಥಿತಿ ರಾಜ್ಯ ಸರ್ಕಾರದ್ದೂ ಕೂಡ.

ಕರೊನಾ ಪರಿಣಾಮ ರಾಜ್ಯದ ಆಥಿರ್ಕತೆ ಉತ್ತಮವಾಗಿಲ್ಲ. ಹಣಕಾಸಿನ ಕೊರತೆ ತೀವ್ರವಾಗಿ ಕಾಡುತ್ತಿದೆ. ಆರ್ಥಿಕತೆಯನ್ನ ಪುನಶ್ಚೇತನಗೊಳಿಸಲು ಸಜ್ಜಾಗಿರುವ ರಾಜ್ಯ ಸರ್ಕಾರ, ಮುಂಬರುವ ಬಜೆಟ್​ನಲ್ಲಿ ಕುಡುಕರಿಗೆ ಬೆಲೆ ಏರಿಕೆಯ ಕಿಕ್ ಕೊಡಲಿದೆ! ಇದನ್ನೂ ಓದಿರಿ ಮನೆಯಲ್ಲೇ ನಕಲಿ ಡಿಡಿ ತಯಾರು! ದಂಪತಿ ಸೇರಿ ನಾಲ್ವರ ಬಂಧನ: 7.18 ಕೋಟಿ ಡಿಡಿಗಳು ಜಪ್ತಿ

ಇಂಡಿಯನ್​ ಮೇಡ್​ ಲಿಕ್ಕರ್​ (ಐಎಂಎಲ್​) ಹಾಗೂ ಬಿಯರ್​ ಮೇಲೆ ಶೇ.5ರಿಂದ ಶೇ.10ರವರೆಗೆ ಅಬಕಾರಿ ಸುಂಕ ವಿಧಿಸಲು ಚಿಂತಿಸಿರುವ ಸರ್ಕಾರ, ಶೀಘ್ರದಲ್ಲೇ ಆರ್ಥಿಕ ಇಲಾಖೆ ಅಧಿಕಾರಿಗಳ ಜತೆ ಚರ್ಚಿಸಿ ಅಂತಿಮ ನಿರ್ಧಾರ ಕೈಗೊಳ್ಳುವ ಸಾಧ್ಯತೆಯಿದೆ.

ಮುಂಬರುವ ಬಜೆಟ್​ನಲ್ಲಿ ಸರ್ಕಾರ, ಮದ್ಯದ ಮೇಲೆ ಅಬಕಾರಿ ಸುಂಕ ಹೆಚ್ಚಿಸಿದರೆ ಐಎಂಎಲ್​ ಲಿಕ್ಕರ್​ ಹಾಗೂ ಬಿಯರ್​ ಬಾಟಲಿ​ ಬೆಲೆ 5ರಿಂದ 10 ರೂ. ಏರಿಕೆ ಆಗಲಿದೆ.

ಮದ್ಯದ ಮೇಲೆ ಅಬಕಾರಿ ಸುಂಕ ಹೆಚ್ಚಿಸಬಹುದು ಅಥವಾ ಇಲ್ಲದಿರಬಹುದು. ಈ ಬಗ್ಗೆ ನಿಖರ ಮಾಹಿತಿ ಇಲ್ಲ. ಆದರೆ, ಆರ್ಥಿಕ ಇಲಾಖೆಯ ಉನ್ನತ ಅಧಿಕಾರಿಗಳ ಜತೆ ಚರ್ಚಿಸಿ ಸರ್ಕಾರ ಸುಂಕ ಹೆಚ್ಚಿಸುವ ಸಾಧ್ಯತೆ ಹೆಚ್ಚಿದೆ ಎಂದು ಹೆಸರು ಹೇಳಲಿಚ್ಚಿಸದ ಅಧಿಕಾರಿ 'ವಿಜಯವಾಣಿ'ಗೆ ತಿಳಿಸಿದ್ದಾರೆ.

https://www.vijayavani.net/basavakalyana-to-rajbhavan-padayatre-jds-ysv-datta-hdd-devegowda/

https://www.vijayavani.net/fake-dd-deal-gang-arrest/

https://www.vijayavani.net/one-year-old-boy-death-in-teerthahalli-talluk/

https://www.vijayavani.net/matrimonial-website-groom/