ನವದೆಹಲಿ: ಅಕ್ಷಯ್ ಕುಮಾರ್ ತಮ್ಮ ಭಾರತೀಯ ಪೌರತ್ವದ ಪುರಾವೆಗಳನ್ನು ಹಂಚಿಕೊಂಡ ಒಂದು ದಿನದ ನಂತರ, ಆನ್ಲೈನ್ ಜಗತ್ತಿನಲ್ಲಿ ಆ ಬಗ್ಗೆಯೂ ಮೀಮ್ಸ್ ಕಾಣಿಸಿಕೊಳ್ಳಲು ಶುರುವಾಗಿದೆ. ಸ್ವಾತಂತ್ರ್ಯ ದಿನಾಚರಣೆಯ ಶುಭಾಶಯಗಳನ್ನು ಹೇಳುವ ಜತೆ ಜತೆಗೆ, ಬಾಲಿವುಡ್ ತಾರೆ ತಮ್ಮ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಈಗ ಅವರಿಗೆ ಭಾರತೀಯ ಪೌರತ್ವವನ್ನು ನೀಡಲಾಗಿದೆ ಎಂದು ಘೋಷಿಸಿದರು. "ದಿಲ್ ಔರ್ ಸಿಟಿಜನ್ಶಿಪ್, ದೋನೋ ಹಿಂದೂಸ್ತಾನಿ. ಸ್ವಾತಂತ್ರ್ಯ ದಿನಾಚರಣೆಯ ಶುಭಾಶಯಗಳು! ಜೈ ಹಿಂದ್!" ಎಂದು ಅವರು ಅಧಿಕೃತ ನೋಂದಣಿ ದಾಖಲೆಯ ಫೋಟೊಗಳೊಂದಿಗೆ ಪೋಸ್ಟ್ ಮಾಡಿದ್ದಾರೆ. ಈ ಘಟನೆಯೂ ಟ್ರೋಲರ್ಸ್ ಗಮನ ಸೆಳೆದಿದ್ದು ಅಕ್ಷಯ್ ಕುಮಾರ್ ಮತ್ತೊಮ್ಮೆ ಟ್ರೋಲ್ ಆಗಿದ್ದಾರೆ.
