ನವದೆಹಲಿ: ವಯೋಮಾನಕ್ಕೆ ತಕ್ಕನಾದ ಸಿನಿಮಾಗಳನ್ನು ನೋಡಲು ಅನುಕೂಲ ವಾಗುವಂತೆ ವಿಶೇಷವಾಗಿ ಪಾಲಕರಿಗೆ ಮಾರ್ಗದರ್ಶಿಯಾಗಲು ವಯಸ್ಸಿನ ಆಧಾರದಲ್ಲಿ ಸಿನಿಮಾಗಳನ್ನು ವರ್ಗೀಕರಿಸಿ ಪ್ರಮಾಣಪತ್ರ ನೀಡುವ ಹೊಸ ವ್ಯವಸ್ಥೆ ಬಗ್ಗೆ ಕೇಂದ್ರ ಸರ್ಕಾರ ಶನಿವಾರ ಅಧಿಸೂಚನೆ ಹೊರಡಿಸಿದೆ. ಚಲನಚಿತ್ರಗಳ ಸಾರ್ವಜನಿಕ ವೀಕ್ಷಣೆಗೆ ಅನುಮತಿ ಮಂಜೂರು ಮಾಡುವ ತತ್ವಗಳನ್ನು ರೂಪಿಸಿ 1991 ಡಿಸೆಂಬರ್ನಲ್ಲಿ ಪ್ರಕಟಿಸಲಾಗಿರುವ ನಿಯಮಗಳ ತಿದ್ದುಪಡಿಯನ್ನು ವಾರ್ತೆ ಮತ್ತು ಪ್ರಸಾರ ಸಚಿವಾಲಯ ರಾಜ್ಯಪತ್ರದಲ್ಲಿ ಪ್ರಕಟಿಸಿದೆ. ಸಿನಿಮಾಗಳ ಸ್ವರೂಪ ಮತ್ತು ಕಂಟೆಂಟ್ನ ರೀತಿಯ ಆಧಾರದಲ್ಲಿ ‘ಯು/ಎ 7+’, ‘ಯು/ಎ 12+’ ಮತ್ತು ‘ಯು/ಎ 16+’ ಮಾರ್ಕರ್ನೊಂದಿಗೆ ಸಿನಿಮಾಗಳ ಸಾರ್ವತ್ರಿಕ ವೀಕ್ಷಣೆಗೆ ಸರ್ಟಿಫಿಕೆಟ್ ನೀಡಲು ಈ ನಿಯಮಗಳು ಕೇಂದ್ರೀಯ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ ಗೆ (ಸಿಬಿಎಫ್ಸಿ) ಅವಕಾಶ ನೀಡುತ್ತದೆ. ಪ್ರಸ್ತುತ ಸಾಮಾಜಿಕ ಮೌಲ್ಯಗಳಿಗೆ ಅನುಗುಣವಾಗಿ ಹಾಗೂ ವಯಸ್ಸಿಗೆ ತಕ್ಕ ವೀಕ್ಷಣೆಯನ್ನು ಪ್ರವರ್ತಿಸಲು ಸಿಬಿಎಫ್ಸಿ ಕಳೆದ ವರ್ಷ ಇಂದುಗೊಳಿಸಿದ ಫಿಲ್ಮ್ ಸರ್ಟಿಫಿಕೇಶನ್ ವ್ಯವಸ್ಥೆಯನ್ನು ಜಾರಿಗೊಳಿಸಿತ್ತು.
