ಚೀನಾದಲ್ಲಿ ಮತ್ತೆ ಲಾಕ್​ಡೌನ್; ಶಾಂಘೈನಲ್ಲಿ ಕಠಿಣ ಕ್ರಮ

ಚೀನಾ: ಕೋವಿಡ್ ಸೋಂಕು ಹೆಚ್ಚಳವಾಗಿರುವ ಹಿನ್ನೆಲೆಯಲ್ಲಿ ಚೀನಾದ ಆರ್ಥಿಕ ರಾಜಧಾನಿ ಶಾಂಘೈ ನಗರದಲ್ಲಿ ಸೋಮವಾರ ಲಾಕ್​ಡೌನ್ ಆರಂಭವಾಗಿದ್ದು ಇದು ಎರಡು ವರ್ಷಗಳಲ್ಲೇ ಚೀನಾದ ಅತಿ ದೊಡ್ಡ ಲಾಕ್​ಡೌನ್ ಆಗಿದೆ. ಸಾಮೂಹಿಕ ಟೆಸ್ಟಿಂಗ್ ನಡೆಸಲು ಹಾಗೂ ಸೋಂಕನ್ನು ನಿಯಂತ್ರಿಸಲು ಭಾರಿ ಕ್ರಮಗಳನ್ನು ಕೈಗೊಳ್ಳಲು ಅನುಕೂಲವಾಗವಂತೆ ಲಾಕ್​ಡೌನ್ ವಿಧಿಸಲಾಗಿದೆ. ಚೀನಾದಲ್ಲಿ ಸೋಂಕು ಅಬ್ಬರಿಸುತ್ತಿರುವುದರಿಂದ ಭಾರತದಲ್ಲಿ ನಾಲ್ಕನೇ ಅಲೆ ಉಂಟಾಗಬಹುದೇ ಎಂಬ ಆತಂಕ ಎದುರಾಗಿದೆ.

ದಕ್ಷಿಣ ಕೊರಿಯಾದಲ್ಲಿ ಏರಿಕೆ: ದಕ್ಷಿಣ ಕೊರಿಯಾದಲ್ಲಿ ಸೋಂಕಿನ ದೈನಿಕ ಸರಾಸರಿ ಪ್ರಕರಣಗಳು ಕಡಿಮೆಯಾಗುತ್ತಿವೆ. ಆದರೆ ಒಮಿಕ್ರಾನ್ ತಳಿಯಿಂದ ಗಂಭೀರ ಸೋಂಕು ತಗಲುತ್ತಿರುವುದು ಹಾಗೂ ಸಾವಿನ ಪ್ರಮಾಣ ಹೆಚ್ಚಳವಾಗುತ್ತಿರುವುದು ಕಳವಳಕ್ಕೆ ಕಾರಣವಾಗಿದೆ ಎಂದು ಅಧಿಕಾರಿಗಳು ಸೋಮವಾರ ತಿಳಿಸಿದ್ದಾರೆ. ಕಳೆದ ವಾರ ದೇಶದಲ್ಲಿ ಸುಮಾರು 3,50,000 ಹೊಸ ಪ್ರಕರಣಗಳು ದೃಢಪಟ್ಟಿದ್ದವು.

• ಚೀನಾದ ಅತಿ ದೊಡ್ಡ ನಗರ ಶಾಂಘೈ ಜನಸಂಖ್ಯೆ 2.6 ಕೋಟಿ. ಹಿಂದೆ ಸಣ್ಣ ಪ್ರಮಾಣದ ಸಾಂಕ್ರಾಮಿಕತೆಯನ್ನು ಸೀಮಿತ ಲಾಕ್​ಡೌನ್ ಮೂಲಕ ನಿರ್ವಹಿಸಿತ್ತು.
• ಮನೆ ಮತ್ತು ಕೆಲಸದ ಸ್ಥಳಗಳಲ್ಲಷ್ಟೇ ಲಾಕ್​ಡೌನ್ ವಿಧಿಸಿ ಸೋಂಕನ್ನು ನಿಯಂತ್ರಣಕ್ಕೆ ತಂದಿತ್ತು. ಆದರೆ ಈಗ ಸಾಂಕ್ರಾಮಿಕತೆ ದೊಡ್ಡ ಪ್ರಮಾಣದಲ್ಲಿ ಅಮರಿ ಕೊಂಡಿರುವುದರಿಂದ ಇಡೀ ಮಹಾನಗರದಲ್ಲಿ ಕಟ್ಟುನಿಟ್ಟಿನ ಲಾಕ್​ಡೌನ್ ಹೇರಿದೆ.
• ಚೀನಾ ತನ್ನ ಅತಿ ದೊಡ್ಡ ನಗರದಲ್ಲಿ ಲಾಕ್​ಡೌನ್ ವಿಧಿಸಿರುವುದು ಇತರ ದೇಶದಲ್ಲೂ ಆತಂಕಕ್ಕೆ ಕಾರಣವಾಗಿದೆ. ದೇಶದಲ್ಲಿ ಸೋಂಕು ಕ್ಷೀಣಿಸಿದ್ದರೂ ಚೀನಾದಲ್ಲಿ ಹೆಚ್ಚುತ್ತಿರುವುದರಿಂದ ಇಲ್ಲಿಯೂ ಮುಂದಿನ ದಿನಗಳಲ್ಲಿ ಸಾಂಕ್ರಾಮಿಕತೆಯ ನಾಲ್ಕನೇ ಅಲೆ ಏಳಬಹುದೇ ಎನ್ನುವುದೇ ಆ ಆತಂಕವಾಗಿದೆ.

https://www.vijayavani.net/those-who-called-for-karnataka-bundh-may-face-judiciary-abuse-case/

https://www.vijayavani.net/bjp-leader-smk-photo-in-congress-programme/