ಚಿನ್ನದ ಮೇಲೆ ಸುಂಕ ಕಡಿತ..ಕೆಜಿಗೆ 6.20 ಲಕ್ಷ ರೂ.ಇಳಿಕೆ ಕಂಡ ಹಳದಿ ಲೋಹ.!

ನವದೆಹಲಿ: ಕೇಂದ್ರ ಸರ್ಕಾರ ಬಜೆಟ್ ನಲ್ಲಿ ಕಸ್ಟಮ್ ಸುಂಕವನ್ನು ಶೇ.6ರಷ್ಟು ಕಡಿಮೆ ಮಾಡಿದ ಬೆನ್ನಲ್ಲೇ ಚಿನ್ನದ ಬೆಲೆ ಭಾರೀ ಇಳಿಕೆ ಕಂಡಿದೆ. ಪ್ರಸ್ತುತ 1 ಕೆಜಿ ಚಿನ್ನದ ಮೇಲೆ 6.20ರೂ. ಬೆಲೆ ಇಳಿದಿದ್ದು, ಗಮನಾರ್ಹ ಸಂಗತಿಯಾಗಿದೆ. ಬೆಳ್ಳಿ ಕೂಡ 3 ಸಾವಿರ ರೂ.ಗಿಂತ ಕಡಿಮೆಯಾಗಿದೆ.

ಇದನ್ನೂ ಓದಿ: ಷೇರುಪೇಟೆ ಹೂಡಿಕೆದಾರರಿಗೆ ಶಾಕ್.. ಲಾಭದ ಮೇಲೆ ತೆರಿಗೆ ಹೆಚ್ಚಳ!

ಚಿನ್ನ, ಬೆಳ್ಳಿ ಮತ್ತು ಪ್ಲಾಟಿನಂ ಸೇರಿದಂತೆ ಅಮೂಲ್ಯ ಲೋಹಗಳ ಮೇಲಿನ ಮೂಲ ಕಸ್ಟಮ್ಸ್ ಸುಂಕ ಕಡಿತದ ಘೋಷಣೆಯನ್ನು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಬಜೆಟ್‌ನಲ್ಲಿ ಘೋಷಿಸಿದ್ದಾರೆ. ಇಲ್ಲಿಯವರೆಗೆ ಚಿನ್ನ ಮತ್ತು ಬೆಳ್ಳಿಯ ಮೇಲಿನ ಕಸ್ಟಮ್ಸ್ ಸುಂಕವು ಶೇಕಡಾ 10 ರಷ್ಟಿತ್ತು. ಆದರೆ ಈಗ ಅದನ್ನು ಶೇಕಡಾ 5 ಕ್ಕೆ ಇಳಿಸಲಾಗಿದೆ. ಇದರೊಂದಿಗೆ ಕೃಷಿ ಮೂಲಸೌಕರ್ಯ ಅಭಿವೃದ್ಧಿ ಶುಲ್ಕವನ್ನು ಶೇ.5ರಿಂದ ಶೇ.1ಕ್ಕೆ ಇಳಿಸಲಾಗಿದೆ. ಈ ಲೆಕ್ಕಾಚಾರದ ಆಧಾರದ ಮೇಲೆ, ಒಟ್ಟು ಕಸ್ಟಮ್ಸ್ ಸುಂಕವು 6 ಪ್ರತಿಶತದಷ್ಟು ಉಳಿಯುತ್ತದೆ. ಜಿಎಸ್‌ಟಿಯಲ್ಲಿ ಯಾವುದೇ ಬದಲಾವಣೆ ಮಾಡದಿರುವುದರಿಂದ ಇದು ಶೇ.3ರಷ್ಟು ಸೇರಿ ಚಿನ್ನ ಮತ್ತು ಬೆಳ್ಳಿಯ ಮೇಲಿನ ಸುಂಕ ಮತ್ತು ತೆರಿಗೆ ಹೊರೆ ಶೇ.18ರಷ್ಟಿದ್ದು, ಈಗ ಅದು ಶೇ.9ಕ್ಕೆ ಇಳಿದಿದೆ.

ಚಿನ್ನದ ಮೇಲಿನ ಸುಂಕದಲ್ಲಿ ಒಂದೇ ಬಾರಿಗೆ ಶೇಕಡಾ 9 ಕಡಿತದ ಹಿನ್ನೆಲೆಯಲ್ಲಿ 24 ಕ್ಯಾರೆಟ್ ಚಿನ್ನದ ದರವು 77.50 ಲಕ್ಷ ರೂ.ನಿಂದ 71.30 ಲಕ್ಷ ರೂ.ಗೆ ಇಳಿದಿದೆ. ಈ ಲೆಕ್ಕಾಚಾರದ ಪ್ರಕಾರ 6.20 ಲಕ್ಷ ರೂ.ಗೆ ಕುಸಿದಿದೆ. ಅದೇ ರೀತಿ ಬೆಳ್ಳಿ ಕೂಡ ಕೆಜಿಗೆ 3 ಸಾವಿರ ರೂ. ಕುಸಿದಿದೆ. ಕಳೆದ ಒಂದು ವಾರದಿಂದ ಚಿನ್ನದ ದರ ಏರಿಕೆಯಾಗಿಲ್ಲ. ಸದ್ಯಕ್ಕೆ ತಾಮ್ರದ ಬೆಲೆ ಹೆಚ್ಚಾಗಿದ್ದು, ಮದುವೆ ಸೀಸನ್ ಸಮೀಪಿಸುತ್ತಿರುವ ಹಿನ್ನೆಲೆಯಲ್ಲಿ ಚಿನ್ನದ ಬೆಲೆ ಇಳಿಕೆಯಾಗಿರುವುದರಿಂದ ಜನರಿಗೆ ಅನುಕೂಲವಾಗಲಿದೆ.

https://www.vijayavani.net/bride-started-crying-next-to-the-groom-at-the-wedding-venue-video-is-going-viral