ಆಫ್ರಿಕನ್ ಹಂದಿ ಜ್ವರವು ಒಂದು ಹಂದಿಯಿಂದ ಇನ್ನೊಂದಕ್ಕೆ ನೇರ ಸಂಪರ್ಕದ ಮೂಲಕ ಹರಡುತ್ತದೆ. ಸೋಂಕಿತ ಹಂದಿ ತಿಂದು ಬಿಟ್ಟಿರುವ ಏನನ್ನಾದರೂ ಆರೋಗ್ಯವಂತ ಹಂದಿ ತಿಂದರೆ ರೋಗ ಬಹುಬೇಗನೆ ಹರಡುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಅಧಿಕ ಜ್ವರ, ಕಡಿಮೆ ಹಸಿವು, ಚರ್ಮದ ಗಾಯಗಳು, ಅತಿಸಾರ ಮತ್ತು ವಾಂತಿ, ಕೆಮ್ಮು ಮತ್ತು ಉಸಿರಾಟದ ತೊಂದರೆ ಆಫ್ರಿಕನ್ ಹಂದಿ ಜ್ವರದ ಲಕ್ಷಣಗಳಾಗಿವೆ. ಡೇಂಘಿ, ಚಿಕನ್ ಗುನ್ಯಾ, ಹಕ್ಕಿ ಜ್ವರ ಜನರನ್ನು ಹೆಚ್ಚು ಕಾಡಿತ್ತು. ಹಂದಿಜ್ವರ ಹಂದಿಯಿಂದ ಜನರಿಗೆ ಹರಡುವುದಿಲ್ಲ. ಹಂದಿಗಳಿಂದ ಹಂದಿಗೆ ಬಹುಬೇಗನೆ ಹರಡುತ್ತದೆ. ಈಗ ಪಕ್ಕದ ಕೇರಳದಲ್ಲಿ ಹಂದಿಜ್ವರ ಕಾಣಿಸಿಕೊಂಡಿರುವುದು ಕರ್ನಾಟಕದಲ್ಲೂ ಆತಂಕ ಸೃಷ್ಟಿಸಿದೆ.(ಏಜೆನ್ಸೀಸ್)
