ಚಿಕ್ಕಬಳ್ಳಾಪುರ: ಚಿಂತಾಮಣಿ ತಾಲೂಕಿನ ಹೆಬ್ಬರಿ ಗ್ರಾಮದಲ್ಲಿನ ಖಾಸಗಿ ಫಾರ್ಮಾನಲ್ಲಿ ಕಳೆದ ಒಂದು ವಾರದಲ್ಲಿ 100 ಕ್ಕೂ ಹಂದಿಗಳು ಮೃತಪಟ್ಟಿದ್ದು ಇದಕ್ಕೆ ಹಂದಿಜ್ವರ ಕಾರಣ ಎಂಬುದು ದೃಢಪಟ್ಟಿದೆ.
ಸೂಕ್ತ ಚಿಕಿತ್ಸೆ ನೀಡಿದರೂ ಹಂದಿಗಳ ಸಾವಿನ ಸರಣಿ ನಿಲ್ಲದ ಹಿನ್ನೆಲೆಯಲ್ಲಿ ಪಶು ವೈದ್ಯರು ಅನುಮಾನಗೊಂಡು ಸಾವಿಗೆ ಕಾರಣ ತಿಳಿಯಲು ಮಾದರಿಗಳನ್ನು ಪ್ರಯೋಗಾಲಯಕ್ಕೆ ಕಳುಹಿಸಿದ್ದರು. ಇದೀಗ ಇದರ ವರದಿ ಬಂದಿದ್ದು ವೈಜ್ಞಾನಿಕ ಪರೀಕ್ಷೆಯಲ್ಲಿ ಹಂದಿ ಜ್ವರದ ಕಾಯಿಲೆಯಿಂದ ಸಾವು ಸಂಭವಿಸಿರುವುದು ತಿಳಿದು ಬಂದಿದೆ. ಇದರಿಂದ ಕಾರ್ಯ ಪ್ರವೃತ್ತರಾದ ಪಶು ಪಾಲನಾ ಹಾಗೂ ಪಶು ವೈದ್ಯ ಸೇವಾ ಇಲಾಖೆಯು ಸೋಂಕು ನಿವಾರಕ ಮುಂಜಾಗ್ರತಾ ಕ್ರಮಗಳನ್ನು ಕೈಗೊಂಡಿದೆ. ಇಲ್ಲಿಯವರೆಗೂ ಫಾರ್ಮ್ ನಲ್ಲಿ ಹಂತ ಹಂತವಾಗಿ 100 ಹಂದಿಗಳು ಮೃತಪಟ್ಟಿವೆ. ಇದೀಗ ಉಳಿದಿರುವ 75 ಹಂದಿಗಳನ್ನೂ ಸೋಂಕು ಹರಡದಿರಲು ಎಲೆಕ್ಟ್ರಿಕ್ ಶಾಕ್ ನೀಡಿ ಕೊಲ್ಲಲಾಗಿದೆ.
