ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಲ್ಲಿ ಬಿಜಿಯಿದ್ದರೂ, ಆ ಒತ್ತಡವನ್ನೂ ಸೋನಲ್ ಎಂಜಾಯ್ ಮಾಡುತ್ತಿದ್ದಾರಂತೆ. ‘ಕೆಲವೊಮ್ಮೆ ಕಷ್ಟವಾಗುತ್ತದೆ. ಬೆಳಗ್ಗೆಯಿಂದ ಸಂಜೆವರೆಗೂ ‘ಮಾದೇವ’ ಚಿತ್ರದ ಚಿತ್ರೀಕರಣ ಬಳಿಕ ರಾತ್ರಿ ‘ಗರಡಿ’ ಶೂಟಿಂಗ್ನಲ್ಲಿ ಭಾಗಿಯಾಗುತ್ತಿದ್ದೆ. ಆದರೆ, ಆ ಒತ್ತಡವನ್ನೂ ಎಂಜಾಯ್ ಮಾಡುತ್ತೇನೆ. ನಾವು ಮಾಡುವ ಕೆಲಸವನ್ನು ಇಷ್ಟಪಟ್ಟು ಮಾಡಿದರೆ, ಕಷ್ಟವೂ ಖುಷಿ ನೀಡುತ್ತದೆ’ ಎನ್ನುವ ಸೋನಲ್, ‘ನನಗೆ ನನ್ನ ಪಾತ್ರ ಮುಖ್ಯ. ಸ್ವಲ್ಪ ವರ್ಷಗಳ ಬಳಿಕ ನಾನು ಈ ರೀತಿಯ ಪಾತ್ರ ಮಾಡಿಲ್ಲವಲ್ಲಾ ಅಂತ ಬೇಸರ ಮಾಡಿಕೊಳ್ಳಬಾರದು. ಹೀಗಾಗಿಯೇ ಎಲ್ಲ ರೀತಿಯ ಪಾತ್ರಗಳಲ್ಲೂ ನಟಿಸುತ್ತಿದ್ದೇನೆ’ ಎಂದು ಹೇಳಿಕೊಳ್ಳುತ್ತಾರೆ.
