ತಮಿಳು, ತೆಲುಗು ಮತ್ತು ಮಲಯಾಳಂ ಸಿನಿಮಾಗಳಲ್ಲಿ ಗುರುತಿಸಿಕೊಂಡ ಈ ನಟಿ, 1991ರಲ್ಲಿ ಕನ್ನಡ ಚಿತ್ರರಂಗಕ್ಕೂ ಆಗಮಿಸಿದರು. ಶಶಿಕುಮಾರ್ ನಾಯಕನಾಗಿ ನಟಿಸಿದ್ದ ಇಬ್ಬರು ಹೆಂಡಿರ ಮುದ್ದಿನ ಪೊಲೀಸ್ ಸಿನಿಮಾ ಮೂಲಕ ಚಂದನವನಕ್ಕೆ ಬಂದರು. ಕನ್ನಡದಲ್ಲಿ ಒಟ್ಟು 10 ಸಿನಿಮಾಗಳಲ್ಲಿ ನಟಿಸಿದ ನಿರೋಶಾ, ಅಂಬರೀಶ್, ದೇವರಾಜ್ ಸೇರಿ ಹಲವರ ಚಿತ್ರಗಳಿಗೆ ನಾಯಕಿಯಾಗಿ ನಟಿಸಿದರು. 2013ರಲ್ಲಿ ದರ್ಶನ್ ಜತೆಗಿನ ಬೃಂದಾವನ ಸಿನಿಮಾದಲ್ಲಿ ನಟಿಸಿದ್ದನ್ನು ಬಿಟ್ಟರೆ, ಅಲ್ಲಿಂದ ಬೇರಾವ ಕನ್ನಡ ಸಿನಿಮಾಗಳಲ್ಲಿ ಅವರು ನಟಿಸಿಲ್ಲ. ಕಿರುತೆರೆಗೆ ಆಗಮಿಸಿ, ಅಲ್ಲಿಯೂ ನಾಯಕಿಯಾದರು. ಸಾಕಷ್ಟು ತೆಲುಗು, ತಮಿಳು ಸೀರಿಯಲ್ಗಲ್ಲಿ ಮುಖ್ಯಭೂಮಿಕೆ ನಿಭಾಯಿಸಿದರು.
