'ಜವಾನ್'​ ಸಕ್ಸಸ್​​ ಬೆನ್ನಲ್ಲೇ ಮತ್ತೊಂದು ಬಾಲಿವುಡ್​ ಚಿತ್ರಕ್ಕೆ ಸಹಿ ಹಾಕಿದ್ರಾ ನಯನತಾರ?; ಇಲ್ಲಿದೆ ವರದಿ

ಮುಂಬೈ: ಶಾರೂಖ್​ ಖಾನ್​ ಜತೆಗೆ 'ಜವಾನ್'​ ಸಿನಿಮಾದಲ್ಲಿ ನಟಿಸುವ ಮುಖೇನ ಬಾಲಿವುಡ್​ ಅಂಗಳಕ್ಕೆ ಪಾದಾರ್ಪಣೆ ಮಾಡಿದ ಬಹುಭಾಷಾ ನಟಿ ನಯನತಾರ, ಬಾಲಿವುಡ್​​ನ ಸ್ಟಾರ್​ ನಿರ್ದೇಶಕ ಮತ್ತು ನಿರ್ಮಾಪಕರ ಚಿತ್ರಗಳಿಗೆ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ ಎಂಬ ಸುದ್ದಿಗಳು 'ಜವಾನ್'​ ರಿಲೀಸ್​ ಆದ ಬೆನ್ನಲ್ಲೇ ತೀವ್ರ ಚರ್ಚೆಗೆ ಗ್ರಾಸವಾಗಿತ್ತು. ಇದೀಗ ಈ ಸುದ್ದಿ ಮತ್ತೊಮ್ಮೆ ಮುನ್ನೆಲೆಗೆ ಬಂದಿದೆ.

ಇದನ್ನೂ ಓದಿ: ಸಂವಿಧಾನ ನಮ್ಮ ಬದುಕು, ನಮ್ಮ ಹಕ್ಕು, ಬಲ ನೀಡುವ ಮಹಾನ ಶಕ್ತಿ : ಸಚಿವ ಎಚ್.ಕೆ.ಪಾಟೀಲ

ಲೇಡಿ ಸೂಪರ್‌ಸ್ಟಾರ್ ಎಂದೇ ಖ್ಯಾತರಾದ ನಯನತಾರ 'ಜವಾನ್'​ ಸಕ್ಸಸ್​​ ನಂತರದಲ್ಲಿ ಮತ್ತೊಂದು ಬಾಲಿವುಡ್​ ಚಿತ್ರಕ್ಕೆ ಸದ್ದಿಲದ್ದಂತೆ ಸಹಿ ಹಾಕಿದ್ದಾರೆ ಎಂಬ ವದಂತಿಗಳು ವ್ಯಾಪಕವಾಗಿ ಹರಿದಾಡಿದೆ. ಸಂಜಯ್ ಲೀಲಾ ಬನ್ಸಾಲಿಯವರ ಮುಂಬರುವ ಪ್ರಾಜೆಕ್ಟ್ ಬೈಜು ಬಾವ್ರಾದಲ್ಲಿ ನಾಯಕಿಯಾಗಿ ನಯನತಾರ ಆಯ್ಕೆಯಾಗಿದ್ದು, ಶೀಘ್ರವೇ ಚಿತ್ರೀಕರಣದಲ್ಲಿ ಭಾಗಿಯಾಗಲಿದ್ದಾರೆ ಎಂದು ಹೇಳಲಾಗಿದೆ.

ಆದ್ರೆ, ಈ ಬಗ್ಗೆ ಇಲ್ಲಿಯವರೆಗೂ ಯಾವುದೇ ಅಧಿಕೃತ ಘೋಷಣೆ ಹೊರಬಂದಿಲ್ಲ. ನಟಿಯ ಮುಂದಿನ ಬಾಲಿವುಡ್​ ಚಿತ್ರಕ್ಕೆ ಸದ್ಯ ಅಭಿಮಾನಿಗಳು ತೀವ್ರ ಕುತೂಹಲದಿಂದ ನಿರೀಕ್ಷಿಸುತ್ತಿದ್ದು, ಯಾವಾಗ ಮಾಹಿತಿ ಕೊಡಲಿದ್ದಾರೆ ಎಂಬುದನ್ನು ಕಾದು ನೋಡಬೇಕಿದೆ.

ಇದನ್ನೂ ಓದಿ: ಪೊದೆಯಲ್ಲಿ ಯುವ ಜೋಡಿ, ಫೋಟೋ ವೈರಲ್​: ಅಷ್ಟಕ್ಕೂ ಅಲ್ಲಿ ಆಗಿದ್ದೇನು?

ವದಂತಿಗಳ ನಡುವೆ ನಯನತಾರ ಅಭಿನಯದ ತಮಿಳು ಚಿತ್ರ ಇರೈವನ್ ಇದೀಗ ತೆಲುಗಿನಲ್ಲಿ ದೇವರು ಎಂಬ ಶೀರ್ಷಿಕೆಯಡಿಯಲ್ಲಿ ಅಕ್ಟೋಬರ್ 13, 2023 ರಂದು ಬಹುತೇಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ,(ಏಜೆನ್ಸೀಸ್).

https://www.vijayavani.net/man-pelt-stone-to-cm-siddaramaiah-house-at-mysuru