ಬೆಂಗಳೂರು: ರೇಣುಕಾಸ್ವಾಮಿ ಕೊಲೆ ಪ್ರಕರಣಕ್ಕೆ ಪ್ರದೋಷ್ ಮಾಫಿ ಸಾಕ್ಷಿ ಆದ ನಂತರ ಪ್ರಕರಣಕ್ಕೆ ಸಾಕಷ್ಟು ತಿರುವು ಸಿಕ್ಕಿದೆ. ಇದರ ಭಾಗವಾಗಿ, ಪ್ರಕರಣದ ಪ್ರಮುಖ ಸಾಕ್ಷಿಗಳಾದ ನಟ ಚಿಕ್ಕಣ್ಣ ಮತ್ತು ಯಶಸ್ ಸೂರ್ಯ ಇಂದು 59ನೇ ಸಿಸಿಎಚ್ ನ್ಯಾಯಾಲಯಕ್ಕೆ ಹಾಜಾರಾಗಿದ್ದರು. ಘಟನೆ ನಡೆದ ದಿನ ದರ್ಶನ್ ಜೊತೆಗೆ ಪಾರ್ಟಿಯಲ್ಲಿದ್ದ ಕಾರಣ ಇಬ್ಬರನ್ನು ಸಾಕ್ಷಿಗಳಾಗಿ ಪರಿಗಣಿಸಿದ್ದು, ಕೋರ್ಟ್ಗೆ ಹಾಜರಾಗಲು ನೋಟಿಸ್ ನೀಡಲಾಗಿತ್ತು.
59ನೇ CCH ಕೋರ್ಟ್ನಲ್ಲಿ ಜಡ್ಜ್ ಮುಂದೆ CW80 ಸಾಕ್ಷಿ ನಟ ಚಿಕ್ಕಣ್ಣ ಹಾಜಾರಾದರು. ಘಟನೆ ಬಗ್ಗೆ ಸಾಕ್ಷಿ ಹೇಳುವಾಗ ತೀರಾ ನರ್ವಸ್ ಆಗಿ ತಡಬಡಾಯಿಸಿದ್ದಾರೆ. ಅವರು ಮಾತನಾಡಲು ಕಷ್ಟ ಪಡುತ್ತಿರುವುದು, ಆತಂಕಕ್ಕೊಳಗಾಗಿರುವುದನ್ನು ಕಂಡ ನ್ಯಾಯಮೂರ್ತಿಗಳು, 'ಯಾಕೆ ಸಹಜವಾಗಿ ಮಾತನಾಡುತ್ತಿಲ್ಲ. ಗಾಬರಿಯಾಗ್ತಿದ್ದೀರಿ' ಎಂದು ಪ್ರಶ್ನೆ ಮಾಡಿದರು.
ತಡಬಡಾಯಿಸಿದ ಚಿಕ್ಕಣ್ಣ
ಆಗ ತಮಗೆ 'ನರ್ವಸ್ ಮತ್ತು ಟೆನ್ಶನ್' ಆಗುತ್ತಿರುವ ಬಗ್ಗೆ ನಟ ಚಿಕ್ಕಣ್ಣ ಹೇಳಿದರು. ಹೀಗಾಗಿ ನೀರು ಕುಡಿಯಲು, ಹತ್ತು ನಿಮಿಷ ರಿಲಾಕ್ಸ್ ಆಗಲು ಸಮಯ ಕೊಟ್ಟರು ಎನ್ನಲಾಗಿದೆ. ಈ ವೇಳೆ ವಕೀಲರು ಸಹ ನೀವೇನು ಕ್ರೈಮ್ ಮಾಡಿಲ್ಲ ಗಾಬರಿಯಾಗ್ಬೇಡಿ ಎಂದು ಧೈರ್ಯ ತುಂಬಿದರು ಎನ್ನಲಾಗಿದೆ. ಪವಿತ್ರಾ ಗೌಡ, ದರ್ಶನ್ ಅವರು ವಿಡಿಯೋ ಕಾನ್ಫರೆನ್ಸ್ ಮೂಲಕ ವಿಚಾರಣೆಗೆ ಹಾಜರಾದಗಲೇ ಈ ಘಟನೆ ನಡೆದಿದೆ ಎನ್ನಲಾಗಿದೆ.
ಇದನ್ನೂ ಓದಿ: ನಟ ದರ್ಶನ್ಗೆ ತಪ್ಪದ ಸಂಕಷ್ಟ : ಮಾಫಿ ಸಾಕ್ಷಿ ಪ್ರಶ್ನಿಸಿ ಪತ್ನಿ ವಿಜಯಲಕ್ಷ್ಮಿ ಸಲ್ಲಿಸಿದ್ದ ಅರ್ಜಿ ವಜಾಗೊಳಿಸಿದ ಸುಪ್ರೀಂಕೋರ್ಟ್| Actor Darshan
ಆನಂತರ ಮಾತನಾಡಿದ ಚಿಕ್ಕಣ್ಣ ತಮಗೂ ಮತ್ತು ದರ್ಶನ್ ಅವರಿಗೆ ಇರುವ ನಂಟಿನ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ. 201ರಲ್ಲಿ ರಿಲೀಸ್ ಆಗಿದ್ದ ಚಿಂಗಾರಿ ಸಿನಿಮಾದಿಂದ ಹಿಡಿದು, ಚಕ್ರವರ್ತಿ, ಒಡೆಯ ಹಾಗೂ ಗರಡಿ ಸಿನಿಮಾದಲ್ಲಿ ಒಟ್ಟಾಗಿ ನಟಿಸಿದ ಬಗ್ಗೆ ಚಿಕ್ಕಣ್ಣ ಮಾತನಾಡಿದರು. ಘಟನೆ ನಡೆದ ದಿನ ಸ್ಟೋನಿ ಬ್ರೂಕ್ನಲ್ಲಿ ಭೇಟಿಯಾಗಿದ್ದೆವು. ಅಲ್ಲಿ ಸಿನಿಮಾ ಬಗ್ಗೆ ಮಾತನಾಡಿಕೊಂಡಿದ್ದೆವು. ಊಟ ಮಾಡಿದ ಬಳಿಕ ನಾವು ಅಲ್ಲಿಂದ ಹೊರಟು ಹೋದೆವು ಎಂದು ಯಶಸ್ ಸೂರ್ಯ ಸ್ಪಷ್ಟಪಡಿಸಿದರು.
