ಗನ್​ ಲೈಸೆನ್ಸ್ ರದ್ದು ಮಾಡಬೇಡಿ; ​ಪೊಲೀಸರಿಗೆ ನಟ Darshan ಮನವಿ

ಬೆಂಗಳೂರು: ರೇಣುಕಸ್ವಾಮಿ ಹತ್ಯೆ ಪ್ರಕರಣದಲ್ಲಿ ಜೈಲು ಪಾಲಾಗಿ ರೆಗ್ಯೂಲರ್​ ಜಾಮೀನಿನ ಮೇಲೆ ಹೊರ ಬಂದಿರುವ ನಟ ದರ್ಶನ್​ (Darshan) ಸದ್ಯ ಫ್ಯಾಮಿಲಿಯೊಂದಿಗೆ ಕಾಲ ಕಳೆಯುತ್ತಿದ್ದು, ಈಚೆಗೆ ಕುಟುಂಬಸ್ಥರೊಂದಿಗೆ ತಮ್ಮ ಫಾರ್ಮ್​​​ಹೌಸ್​ನಲ್ಲಿ ಸಂಕ್ರಾಂತಿ ಹಬ್ಬವನ್ನು ಆಚರಿಸಿ ಆ ಬಳಿಕ ಉಕ್ಕಡದ ಮಾರಮ್ಮನ ದೇವಾಲಯಕ್ಕೆ ಭೇಟಿ ನೀಡಿದ್ದರು.

ಸದ್ಯ ಜಾಮೀನಿನ ಮೇಲೆ ಹೊರಬಂದಿರುವ ನಟ ದರ್ಶನ್​ಗೆ (Darshan) ಮತ್ತೊಂದು ಸಂಕಷ್ಟ ಎದುರಾಗಿದೆ. ನಟ ದರ್ಶನ್​ ಅವರ ಬಳಿ ಇರುವ ಗನ್​ ಲೈಸೆನ್ಸ್​ ರದ್ದು ಮಾಡಲು ಪೊಲೀಸರು ಮುಂದಾಗಿದ್ದು, ಇದಕ್ಕೆ ಸಂಬಂಧಿಸಿದಂತೆ ನಟ ದರ್ಶನ್ ಪೊಲೀಸರಿಗೆ ಮನವಿ ಮಾಡಿಕೊಂಡಿದ್ದಾರೆ ಎಂದು ವರದಿಯಾಗಿದೆ.

ಗನ್​ ಲೈಸೆನ್ಸ್​ ರದ್ದುಪಡಿಸುವ ಸಂಬಂಧ ಪೊಲೀಸರು ಜನವರಿ 07ರಂದು ನಟ ದರ್ಶನ್​ಗೆ ನೋಟಿಸ್​ ನೀಡಿದ್ದರು. ಇದೀಗ ನೋಟಿಸ್​ಗೆ ಉತ್ತರಿಸಿರುವ ನಟ ದರ್ಶನ್​ ನಾನು ಸೆಲೆಬ್ರಿಟಿ, ಹೊರಗಡೆ ಹೋದಾಗ ಸುರಕ್ಷತೆಗೆ ಗನ್ ಬೇಕಾಗುತ್ತದೆ. ನನಗೆ ಗನ್ ಬೇಕು, ಪರವಾನಗಿ ರದ್ದು ಮಾಡಬೇಡಿ ಎಂದು ಪೊಲೀಸರು ನೀಡಿದ್ದ ನೋಟಿಸ್​ಗೆ ಪತ್ರದ ಮೂಲಕ ಉತ್ತರಿಸಿದ್ದಾರೆ.

ನೋಟಿಸ್​ನಲ್ಲಿ ಏನಿದೆ? 

ನೀವು ಕೊಲೆ ಪ್ರಕರಣದ ಆರೋಪಿ ಆಗಿದ್ದೀರಿ, ಜಾಮೀನಿನ ಮೇಲೆ ಹೊರಗಿರುವ ಕಾರಣ ಸಾಕ್ಷಿಗಳ ಮೇಲೆ ಪ್ರಭಾವ ಬೀರುವ ಸಾಧ್ಯತೆಯಿದೆ. ಆದ್ದರಿಂದ ನಿಮ್ಮ ಲೈಸೆನ್ಸ್ ರದ್ದುಪಡಿಸಬೇಕಾಗಿದೆ ಎಂದು ಪೊಲೀಸರು ನಟ ದರ್ಶನ್​ಗೆ ನೀಡಿದ್ದ ನೋಟಿಸ್​ನಲ್ಲಿ ನೀಡಿದ್ದರು. ಇದೀಗ ಇದಕ್ಕೆ ನಟ ದರ್ಶನ್‌ (Darshan) ಪತ್ರದ ನಮೂಲಕ ಪ್ರತಿಕ್ರಿಯಿಸಿ, ಗನ್‌ ಪರವಾನಗಿ ರದ್ದುಪಡಿಸಬೇಡಿ ಎಂದು ಮನವಿ ಮಾಡಿದ್ದಾರೆ.

https://www.vijayavani.net/gautam-gambhir-calls-out-indiscipline-in-team-india-proposes-new-rules-to-bcci-report

https://www.vijayavani.net/how-intruder-managed-to-enter-saif-ali-khans-bandra-house-involvement-of-an-insider-big-questions-in-bollywood-actors-stabbing-case