ಸೋಮವಾರ ವಿಡಿಯೋ ಸಂವಾದ ನಡೆಸಿದ ಸಚಿವರು, ಪ್ರವಾಸೋದ್ಯಮ ವಲಯದ ಉದ್ದಿಮೆದಾರರ ಸಂಕಷ್ಟ ಆಲಿಸಿದರು. ಸರ್ಕಾರ ಎಂದಿಗೂ ನಿಮ್ಮ ಜತೆಗಿರುತ್ತದೆ ಎಂಬ ಅಭಯ ನೀಡಿದರು. ಅಲ್ಲದೆ, ಬೇಡಿಕೆ ಹಾಗೂ ಸಲಹೆಗಳಿಗೆ ಸ್ಪಂದಿಸಲು ಪ್ರಾಮಾಣಿಕವಾಗಿ ಪ್ರಯತ್ನಿಸುವೆ ಎಂಬ ತಿಳಿಸಿದರು. ವಿಶ್ವ ಪ್ರವಾಸೋದ್ಯಮ ವಲಯಕ್ಕೆ ಕರೊನಾಘಾತವಾಗಿದೆ. ಲಾಕ್ಡೌನ್ ಮುಗಿದ ಬಳಿಕ ಪ್ರವಾಸೋದ್ಯಮದ ಪುನರುತ್ಥಾನ ಹಾಗೂ ಉದ್ದಿಮೆದಾರರ ಸಮಸ್ಯೆ ಆಲಿಸಲು ಈ ವಿಡಿಯೋ ಸಂವಾದ ನಡೆಸುತ್ತಿರುವುದಾಗಿ ಸಚಿವರು ತಿಳಿಸಿದರು. ರಾಜ್ಯದ ಹಲವು ಪ್ರವಾಸಿ ಸ್ಥಳಗಳಲ್ಲಿ ಸಿಲುಕಿದ್ದರು, 26 ದೇಶಗಳ 3,200 ಪ್ರವಾಸಿಗಳು ಸುರಕ್ಷಿತವಾಗಿ ತಮ್ಮ ದೇಶಗಳಿಗೆ ಮರಳಿದ್ದಾರೆ ಎಂದು ತಿಳಿಸಿದರು.
