ನಟಿ ಕಾಜಲ್ ಅಗರ್ವಾಲ್ ಸಹ ದಕ್ಷಿಣ ಭಾರತದ ಬೇಡಿಕೆಯ ನಟಿಯಾಗಿದ್ದು, ಚಿತ್ರದಲ್ಲಿ ಕಾತ್ಯಾಯನಿ ಪಾತ್ರಕ್ಕೆ ಜೀವ ತುಂಬಿದ್ದಾರೆ. ಇದಕ್ಕೆ ಅವರು 2 ಕೋಟಿ ರೂ. ಪಡೆದಿದ್ದಾರೆ. ವಿಶೇಷವೆಂದರೆ ಹೀರೋಯಿನ್ ಪಾತ್ರಕ್ಕಿಂತ ಮಗಳ ಪಾತ್ರ ನಿರ್ವಹಿಸಿರುವ ತೆಲುಗು ಚಿತ್ರರಂಗದಲ್ಲಿ ಉದಯೋನ್ಮುಖ ತಾರೆಯಾಗಿರುವ ಶ್ರೀಲೀಲಾ 2.5ಕೋಟಿ ರೂ.ಪಡೆದಿದ್ದಾರಂತೆ. ನಾಯಕಿ ಪಾತ್ರಕ್ಕೆ ಬಹುಬೇಡಿಕೆ ಇರುವ ಈಕೆ ಮಗಳ ಪಾತ್ರ ನಿರ್ವಹಿಸಿದ್ದು, ಸಂಭಾವನೆ ಏರಿಕೆಗೆ ಕಾರಣ ಎನ್ನಲಾಗಿದೆ. ಚಿತ್ರಕ್ಕೆ ಅನಿಲ್ ರವಿಪುಡಿ ನಿರ್ದೇಶಿಸಿದ್ದಾರೆ ಮತ್ತು ಶೈನ್ ಸ್ಕ್ರೀನ್ಸ್ ಬ್ಯಾನರ್ ಅಡಿಯಲ್ಲಿ ಸಾಹು ಗರಪತಿ ಮತ್ತು ಹರೀಶ್ ಪೆದ್ದಿ ನಿರ್ಮಿಸಿದ್ದಾರೆ. ಇದರಲ್ಲಿ ನಂದಮೂರಿ ಬಾಲಕೃಷ್ಣ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.
