ಆರೋಪಿಗೆ ಶಿಕ್ಷೆಯಾಗುವ ಮೊದಲೇ ಅತ ಸಾವನ್ನಪ್ಪಿದ ಎಂದು ಆತ್ಮಹತ್ಯೆ ಮಾಡಿಕೊಂಡ ಸಂತ್ರಸ್ತೆ

ಕಾನ್ಪುರ: ತನ್ನ ಮೇಲೆ ಅತ್ಯಾಚಾರ ಮಾಡಿದ್ದ ವ್ಯಕ್ತಿ ಅಪಘಾತದಲ್ಲಿ ಸಾವನ್ನಪ್ಪಿದ ಎನ್ನುವ ಕಾರಣಕ್ಕೆ ಸಂತ್ರಸ್ತ ಮಹಿಳೆ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಉತ್ತರ ಪ್ರದೇಶದಲ್ಲಿ ನಡೆದಿದೆ.

ಇದನ್ನೂ ಓದಿ: ರಾಗಿ, ಜೋಳದ ಮಧ್ಯೆ ಗಾಂಜಾ ಬೆಳೆದಿದ್ದ ಮಹಿಳೆ, ಪೊಲೀಸರು ಬರುತ್ತಿದ್ದಂತೆ ನಾಪತ್ತೆ

ದಿಬಿಯಾಪುರ ಮೂಲದ ಮಹಿಳೆಯನ್ನು ಇಟವಾ ಮೂಲದ ವ್ಯಕ್ತಿಗೆ ಮದುವೆ ಮಾಡಿಕೊಡಲಾಗಿತ್ತು. ಆದರೆ ಆಕೆಯ ಪತಿ ನಿಧನವಾದ ಹಿನ್ನೆಲೆ ಆಕೆ ತನ್ನ ತವರಿಗೆ ಮರಳಿ, ಅಲ್ಲಿಯೇ ಬಾಡಿಗೆ ಮನೆಯೊಂದರಲ್ಲಿ ಜೀವಿಸಲಾರಂಭಿಸಿದ್ದಳು. ಈ ಸಮಯದಲ್ಲಿ ಆಕೆಗೆ ಫತೇಪುರ ಮೂಲದ ಜಿತೇಂದ್ರನ ಪರಿಚಯವಾಗಿದೆ.

ಪೊಲೀಸ್​ ಪೇದೆಯಾಗಿದ್ದ ಜಿತೇಂದ್ರ ತನ್ನ ಮೇಲೆ ಹಲವು ಬಾರಿ ಅತ್ಯಾಚಾರವೆಸಗಿದ್ದಾಗಿ ಮಹಿಳೆ ದೂರಿದ್ದಾಳೆ. ಅದೇ ಕಾರಣಕ್ಕೆ ಆಕೆ ತನ್ನನ್ನು ಮದುವೆಯಾಗು ಎಂದು ಜಿತೇಂದ್ರನಿಗೆ ಕೇಳಿದ್ದಳಂತೆ. ಆದರೆ ಆತ ನಿರಾಕರಿಸಿದ್ದ. ಈ ವಿಚಾರವಾಗಿ ದಿಬಿಯಾಪುರ ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲಿಸಲಾಗಿದೆ. ಅದಾದ ನಂತರ ಆತನನ್ನು ಪೊಲೀಸ್​ ಕೆಲಸದಿಂದ ಅಮಾನತು ಮಾಡಲಾಗಿತ್ತು.

ಇದನ್ನೂ ಓದಿ: ತಿಂಗಳಿಗೆ ಶೇ.2.5 ಬಡ್ಡಿ ಆಮಿಷವೊಡ್ಡಿ ಐಶ್ವರ್ಯ ಲಕ್ಷ್ಮಿ ಚಿಟ್ಸ್ ಂಡ್‌ನಿಂದ ಧೋಖಾ

ಆರೋಪಿ ಜಿತೇಂದ್ರಗೆ ನವೆಂಬರ್​ 4ರಂದು ಅಪಘಾತವಾಗಿದೆ. ಆತನನ್ನು ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ ಚಿಕತ್ಸೆ ಫಲಕಾರಿಯಾಗದೆ ಆತ ನವೆಂಬರ್​ 9ರಂದು ಸಾವನ್ನಪ್ಪಿದ್ದಾನೆ. ತನ್ನ ಮೇಲಿನ ಅತ್ಯಾಚಾರ ಪ್ರಕರಣದಲ್ಲಿ ಆರೋಪಿಗೆ ಶಿಕ್ಷೆಯಾಗುವ ಮೊದಲೇ ಆತ ಸತ್ತಿದ್ದಾನೆಂದು ಮನನೊಂದ ಮಹಿಳೆ ಆತ್ಮಹತ್ಯೆಗೆ ಶರಣಾಗಿದ್ದಾಳೆ. (ಏಜೆನ್ಸೀಸ್​)

https://www.vijayavani.net/modi-speech-on-jn-univercity/

https://www.vijayavani.net/tejashwi-yadav-demands-for-recount-of-postal-ballots/