ಹತ್ಯೆಗೂ ಮುನ್ನ ಮಹಿಳೆಯರು ಹರ್ಷನಿಗೆ ವಿಡಿಯೋ ಕಾಲ್ ಮಾಡಿ ಕರೆಸಿಕೊಂಡ ಮಾಹಿತಿ ಲಭ್ಯವಾಗಿದೆ ಎಂಬ ಸುದ್ದಿಯನ್ನೂ ಹರಿಯಬಿಡಲಾಯಿತು. ಮರುದಿನವೇ ಕರೆ ಮಾಡಿದ ಮಹಿಳೆಗೂ ಹತ್ಯೆಗೂ ಸಂಬಂಧ ಇಲ್ಲ. ಇನ್ಸ್ಟಾಗ್ರಾಂನಲ್ಲಿ ಪರಿಚಯವಾದ ಹುಡುಗಿ ಸ್ನೇಹಿತೆಯಿಂದ ಹರ್ಷನ ನಂಬರ್ ಪಡೆದು ಕರೆ ಮಾಡಿದ್ದರು ಎಂದೂ ಹೇಳಲಾಯಿತು. ಆರಂಭದಿಂದಲೂ ಈ ರೀತಿಯ ಗೊಂದಲಗಳು ಪೊಲೀಸ್ ಇಲಾಖೆಯಿಂದಲೇ ಸೃಷ್ಟಿಯಾಗುತ್ತಿವೆ. ಯಾವುದೇ ಗಂಭೀರ ಸ್ವರೂಪದ ಅಪರಾಧ ಪ್ರಕರಣಗಳಲ್ಲಿ ತನಿಖೆಯ ಮಹತ್ವದ ಅಂಶಗಳನ್ನು ತನಿಖಾ ತಂಡ ಬಹಿರಂಗಪಡಿಸುವುದಿಲ್ಲ ಎಂಬುದು ಗೊತ್ತು. ಆದರೆ, ಒಬ್ಬೊಬ್ಬರು ಒಂದೊಂದು ಹೇಳಿಕೆ ನೀಡುತ್ತಿರುವುದು ಏಕೆ ಎಂದು ಜನರಲ್ಲಿ ಪ್ರಶ್ನೆ ಹುಟ್ಟಿಸಿದೆ.
