‘ಏಣಿ’ ಹಾಕಿ ಸರ್ಕಾರಿ ಬಸ್​ನ ಟಾಪ್​ ಏರಿದ ವಿದ್ಯಾರ್ಥಿಗಳು! ತರಗತಿಗೆ ಹೋಗಲು ಜೀವ ಭಯದಲ್ಲೇ ಪ್ರಯಾಣ

ವಿಜಯಪುರ: ಶಾಲಾ-ಕಾಲೇಜಿಗೆ ಹೋಗಲು ವಿದ್ಯಾರ್ಥಿಗಳು ಅಪಾಯ ಲೆಕ್ಕಿಸದೆ ಸರ್ಕಾರಿ ಬಸ್​ಗಳ ಟಾಪ್​ ಮೇಲೆ ಹತ್ತಿ ಪ್ರಯಾಣಿಸುತ್ತಿದ್ದಾರೆ. ಸೂಕ್ತ ಬಸ್ ಸೌಲಭ್ಯವಿಲ್ಲದೆ ಪರದಾಡುತ್ತಿರುವ ವಿದ್ಯಾರ್ಥಿಗಳು ಬಸ್​ಗೆ ಏಣಿ ಬಳಿ ಬಸ್​ನ ಮೇಲ್ಭಾಗದಲ್ಲಿ ಕೂತು ಸಂಚರಿಸುವ ದುಸ್ಥಿತಿ ಬಂದಿದೆ.

ಇದು ವಿಜಯಪುರ ಜಿಲ್ಲೆ ಮುದ್ದೇಬಿಹಾಳ ತಾಲೂಕಿನ ಗುಂಡಕರ್ಜಗಿ ಗ್ರಾಮದ ವಿದ್ಯಾರ್ಥಿಗಳ ಗೋಳಾಟ. ಅಗತ್ಯ ಬಸ್​ಗಳನ್ನು ಬಿಡುವಂತೆ ವಿದ್ಯಾರ್ಥಿಗಳು ಮನವಿ ಮಾಡುತ್ತಿದ್ದರೂ ಸಂಬಂಧಪಟ್ಟ ಅಧಿಕಾರಿಗಳು ಮತ್ತು ಜನಪ್ರತಿನಿಧಿಗಳು ಜಾಣಕುರುಡರಂತೆ ವರ್ತಿಸುತ್ತಿದ್ದಾರೆ. ಏನಾದರೂ ಅನಾಹುತ ಸಂಭವಿಸಿದೆ ಇದಕ್ಕೆ ಸಾರಿಗೆ ಇಲಾಖೆ ಅಧಿಕಾರಿಗಳೇ ಹೊಣೆ ಎಂದು ಸ್ಥಳೀಯರು ಎಚ್ಚರಿಸಿದ್ದಾರೆ.

ಶಾಲಾ-ಕಾಲೇಜಿಗೆ ತೆರಳುವ ಸಮಯದಲ್ಲಿ ಪ್ರಯಾಣಿಕರ ಸಂಖ್ಯೆ ಸಹಜವಾಗಿ ಹೆಚ್ಚಿರುತ್ತೆ. ಆದರೆ ಅಗತ್ಯ ಸಾರಿಗೆ ಬಸ್​ ಸಂಚಾರ ಇಲ್ಲದಿರುವ ಪರಿಣಾಮ ವಿದ್ಯಾರ್ಥಿಗಳು ಮತ್ತು ಪ್ರಯಾಣಿಕರ ಸಂಕಷ್ಟ ಹೇಳತೀರದು. ಜಾಗ ಇಲ್ಲದಿದ್ದರೂ ನೂರಾರು ಸಂಖ್ಯೆಯಲ್ಲಿ ಒಂದೇ ಬಸ್​ನಲ್ಲಿ ಸಂಚರಿಸುತ್ತಿದ್ದಾರೆ. ಬಸ್​ನ ಒಳಗೆ ನಿಲ್ಲೋಕೂ ಜಾಗ ಇಲ್ಲದ ಕಾರಣ ಏಣಿ ಹಾಕಿ ಬಸ್​ನ ಮೇಲೆ ಹತ್ತಿ ಜೀವ ಭಯದಲ್ಲೇ ಪ್ರಯಾಣಿಸಿದ್ದಾರೆ.

https://www.vijayavani.net/a-ibrahim-about-12-ministers-cds-coming-out-in-assembly-ellection-time/

https://www.vijayavani.net/a-ips-officer-sasikumar-chitradurga-fort/