ರಾಜಮುಡಿ ಮರಳಿ ಖಜಾನೆಗೆ: ಏ.7ರ ವೈರಮುಡಿ ಉತ್ಸವದಿಂದ ಪಟ್ಟಾಭಿಷೇಕ ಮಹೋತ್ಸವದವರೆಗೆ ಏಳು ದಿನಗಳವರೆಗೆ ಜಾತ್ರಾ ಅವಧಿಯಲ್ಲಿ ಚೆಲುವನಾರಾಯಣಸ್ವಾಮಿಯನ್ನು ವಿವಿಧ ಉತ್ಸವಗಳಲ್ಲಿ ಅಲಂಕರಿಸಿದ್ದ ರಾಜಮುಡಿ ಮತ್ತು ಇತರ ವಜ್ರಖಚಿತ ಆಭರಣಗಳನ್ನು ಜಿಲ್ಲಾ ಖಜಾನೆಗೆ ಕಳುಹಿಸಿಕೊಡಲಾಯಿತು. ಪಾಂಡವಪುರ ಉಪವಿಭಾಗಾಧಿಕಾರಿ ಶ್ರೀನಿವಾಸ್ ಅವರ ನೇತೃತ್ವದಲ್ಲಿ ಕಿರೀಟ ಮತ್ತು ಆಭರಣಗಳನ್ನು ಪರಿಶೀಲಿಸಿದ ನಂತರ ಸ್ಥಾನಿಕರು ಮತ್ತು ಅರ್ಚಕ ಪರಿಚಾರಕರಿಂದ ಪಡೆದು ಮೊಹರು ಮಾಡಿ ಪೊಲೀಸ್ ಭದ್ರತೆಯೊಂದಿಗೆ ಖಜಾನೆಗೆ ಮರಳಿಸಲಾಯಿತು ಈ ವೇಳೆ ದೇವಾಲಯದ ಕಾರ್ಯನಿರ್ವಾಹಕ ಅಧಿಕಾರಿ ಶೀಲಾ, ಸ್ಥಾನಿಕರಾದ ಶ್ರೀನಿವಾಸ ನರಸಿಂಹನ್ ಗುರೂಜಿ, ಕರಗಂರಾಮಪ್ರಿಯ, ತಿರುನಾರಾಯಣ ಅಯ್ಯಂಗಾರ್, ಮುಕುಂದನ್, ಶ್ರೀರಾಮನ್ ಅರ್ಚಕ ವರದರಾಜ ಭಟ್ಟರ್, ಪರಿಚಾರಕ ಎಂ.ಎನ್.ಪಾರ್ಥಸಾರಥಿ ಇದ್ದರು.
