ಸಂಕ್ರಾಂತಿ ಪ್ರಯುಕ್ತ ಪುಣ್ಯಸ್ನಾನ ಮಾಡಲು ಹೋದ ಯುವಕರಿಬ್ಬರು ದುರಂತ ಸಾವು

ರಾಯಚೂರು: ಸಂಕ್ರಾಂತಿ ಹಬ್ಬದ ಹಿನ್ನೆಲೆ ಪುಣ್ಯಸ್ನಾನ ಮಾಡಲೆಂದು ಸ್ನೇಹಿತರೊಂದಿಗೆ ಕೃಷ್ಣಾ ನದಿ ನೀರಿಗೆ ಇಳಿದಿದ್ದ ಯುವಕರಿಬ್ಬರೂ ನೀರುಪಾಲಾದ ಘಟನೆ ದೇವಸುಗೂರು ಬಳಿ ಸಂಭವಿಸಿದೆ.

ರಾಯಚೂರು ನಗರದ ಕೆಇಬಿ ಕಾಲನಿ ನಿವಾಸಿಗಳಾದ ಗಣೇಶ್(30) ಮತ್ತು ಉದಯ್​ ಕುಮಾರ್(30) ಮೃತ ದುರ್ದೈವಿಗಳು. ಗಣೇಶ್​ ಮತ್ತು ಉದಯ್​ಕುಮಾರ್​ ಸೇರಿ ಒಟ್ಟು 7 ಮಂದಿ ಸ್ನೇಹಿತರು ಹಬ್ಬದ ಹಿನ್ನೆಲೆ ಶುಕ್ರವಾರ ಸಂಜೆ ಪುಣ್ಯಸ್ನಾನಕ್ಕೆಂದು ಕೃಷ್ಣಾ ನದಿಗೆ ತೆರಳಿದ್ದರು. ಈ ವೇಳೆ ಗಣೇಶ್ ಮತ್ತು ಉದಯ್​ ಮೃತಪಟ್ಟಿದ್ದಾರೆ. ಹಬ್ಬದ ಸಂಭ್ರಮದಲ್ಲಿದ್ದ ಮನೆಗಳಲ್ಲಿ ಸೂತಕ ಆವರಿಸಿದೆ.

ಮೃತ ಗಣೇಶ್​ ಜೆಸ್ಕಾಂ ಜೆಇ ಅವರ ಸಹೋದರ. ಉದಯ್​ ಜೆಸ್ಕಾಂ ಲೈನ್‌ಮನ್ ಆಗಿದ್ದ. ಗಣೇಶ್‌ನ ಮೃತದೇಹ ಪತ್ತೆಯಾಗಿದ್ದು, ಮತ್ತೊಬ್ಬರ ಶವಕ್ಕಾಗಿ ಶೋಧಕಾರ್ಯ ಮುಂದುವರಿದಿದೆ. ಶಕ್ತಿನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

https://www.vijayavani.net/a-tumkur-sp-car-dandinashivara-psi/

https://www.vijayavani.net/a-nannamma-super-star-samanvi-death/

https://www.vijayavani.net/a-woman-life-is-tragic-end-by-lover-in-bangalore/