ಭಗವಾನ್ ರಾಮಕೃಷ್ಣ ಪರಮಹಂಸರು ಈ ಯುಗಕ್ಕೆ ಸರಿಯಾದ ಖಚಿತವಾದ, ಸಂದೇಹವಿಲ್ಲದ ರೀತಿಯಲ್ಲಿ ಸಕಲ ಜೀವರಾಶಿಯೂ ಅರ್ಥೈಸಿಕೊಳ್ಳುವಂತಹ ಅಧ್ಯಾತ್ಮ ವಿಚಾರಗಳನ್ನು ಭೋಧಿಸುತ್ತಿದ್ದ ಸನ್ನಿವೇಶಗಳನ್ನು ನಾವು ಕಾಣಬಹುದಾಗಿದೆ. ರಾಮಕೃಷ್ಣರ ಭಾಷೆಯಲ್ಲಿ ತಿಳಿಯುವುದಾದರೆ ಮನುಷ್ಯನ ಏಕೈಕ ಗುರಿ ಭಗವಂತನನ್ನು ಪಡೆಯುವುದು. ಅಧ್ಯಾತ್ಮ ಸಾಧಕ ಭಗವಂತನು ನಿರಾಕಾರ ಎಂದೇ ಅರಿಯಲಿ, ಸಾಕಾರ ಎಂದೇ ಭಜಿಸಲಿ, ಪ್ರಾರ್ಥಿಸಲಿ ಗುರಿ ಮಾತ್ರ ಒಂದೇ ಎಂದು ಸಾರಿ ಸಾರಿ ಬೋಧಿಸಿದವರು ರಾಮಕೃಷ್ಣರು. ಅದೊಂದು ದಿನ ಸಾಕಾರ-ನಿರಾಕಾರ ವಿಚಾರವಾಗಿ ಅವರು ಹೀಗೆ ನುಡಿಯುತ್ತಾರೆ: ಹೌದು, ಸಾಕಾರ ನಿರಾಕಾರ ಎರಡೂ ಸತ್ಯ. ಭಗವಂತ ಕೇವಲ ನಿರಾಕಾರ ಎಂಬುದು ಹೇಗೆ ಕಾಣುತ್ತದೆ ಗೊತ್ತೆ? ಇದು ಓಲಗ ಊದುವಾಗ ಏಳು ರಂದ್ರಗಳಿದ್ದರೂ ಒಬ್ಬ ಕೇವಲ ಪ್ಹೂ ಅಂತ ಧ್ವನಿ ಹೊರಡಿಸುತ್ತಾನಲ್ಲ ಹಾಗೆ, ಆದರೆ ಇನ್ನೊಬ್ಬನನ್ನು ನೋಡಿ, ಆತ ಎಷ್ಟೊಂದು ವಿಧದ ರಾಗ ರಾಗಿಣಿಗಳನ್ನು ನುಡಿಸುತ್ತಾನೆ! ಅದೇ ರೀತಿಯಾಗಿ ಸಾಕಾರವಾದಿಗಳು ಭಗವಂತನನ್ನು ಅನೇಕ ವಿಧಗಳಿಂದ ಪೂಜಿಸಿ ಆನಂದ ಪಡುತ್ತಾರೆ. ಶಾಂತ, ದಾಸ್ಯ, ಸಖ್ಯ, ವಾತ್ಸಲ್ಯ, ಮಧುರ ಹೀಗೆ ನಾನಾ ಭಾವಗಳಿಂದ! ಜ್ಞಾನ ಸೂರ್ಯನ ತಾಪದಿಂದ ಹಿಮಗಡ್ಡೆಯಂತಹ ಭಗವಂತನ ಸಾಕಾರ ರೂಪ ಕರಗಿ ಹೋಗುತ್ತದೆ. ಬ್ರಹ್ಮಜ್ಞಾನ ದೊರೆತ
