ವೈದ್ಯರ ಸಹಾಯಕ್ಕೆ ರೋಬಾಟ್

ಬೆಂಗಳೂರು: ಕರೊನಾ ಸೋಂಕಿತರಿಗೆ ಚಿಕಿತ್ಸೆ ನೀಡಲು ವೈದ್ಯರಿಗೆ ಸಹಕಾರಿಯಾಗಿ ವರ್ತಿಸಲು ರೋಬಾಟ್ ಬಂದಿವೆ. ಮಿಲಾಗ್ರೋ ಸಂಸ್ಥೆಯು ಕೃತಕ ಬುದ್ಧಿಮತ್ತೆ(ಎಐ) ಆಧಾರಿತ ‘ಐಮ್ಯಾಪ್-9’ ಮತ್ತು ‘ಹ್ಯೂಮನಾಯ್ಡ್​ ಇಎಲ್​ಫ್’ ಹೆಸರಿನಲ್ಲಿ ಎರಡು ರೋಬಾಟ್​ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದ್ದು, ಇದು ಸಾಮಾಜಿಕ ಅಂತರ ಕಾಯ್ದುಕೊಂಡು ರೋಗಿಗೆ ಚಿಕಿತ್ಸೆ ನೀಡುವ ವೈದ್ಯರಿಗೆ ಸಹಕರಿಸಲಿದೆ.

ಐಸಿಎಂಆರ್ ಶಿಫಾರಸು ಮಾಡಲಾದ ಸೋಡಿಯಂ ಹೈಡ್ರೋಕ್ಲೊರೈಟ್ಸ್ ಸಲ್ಯೂಷನ್ ಬಳಸಿ ಐಮ್ಯಾಪ್ ರೋಬೋ ಆಸ್ಪತ್ರೆಯ ನೆಲ ಸ್ವಚ್ಛಗೊಳಿಸಲಿದೆ. ಈಗಾಗಲೇ ಇದನ್ನು ದೆಹಲಿಯ ಏಮ್ಸ್​ನಲ್ಲಿ ಬಳಸಲಾಗುತ್ತಿದೆ. ಹ್ಯೂಮನಾಯ್ಡ್​ ಇಎಲ್​ಫ್ ರೋಗಿಗಳನ್ನು ದೂರದಿಂದಲೇ ಮೇಲ್ವಿಚಾರಣೆ ಮಾಡಲು ನೆರವಾಗಲಿದೆ.

ಆಸ್ಪತ್ರೆ ಸುತ್ತ ಸಂಚರಿಸಲಿದ್ದು, ಸುತ್ತಮುತ್ತಲಿನ ಅಂಶವನ್ನು ವೀಡಿಯೋ ಮತ್ತು ಆಡಿಯೋ ರೆಕಾರ್ಡ್ ಮಾಡಲಿದೆ. ಇದು 8 ಗಂಟೆಗಳ ಬ್ಯಾಟರಿ ಬ್ಯಾಕ್​ಅಪ್ ಹೊಂದಿದೆ ಎಂದು ಮಿಲಾಗ್ರೋ ಕಂಪನಿ ಅಧ್ಯಕ್ಷ ರಾಜೀವ್ ಕಾರ್ವಾಲ್ ತಿಳಿಸಿದ್ದಾರೆ.

https://www.vijayavani.net/prime-minister-narendra-modi-cm-video-conference/