'2021 ವಿಶ್ವ ಸುಂದರಿ' ಕಿರೀಟಕ್ಕೆ ಮುತ್ತಿಟ್ಟ ಪೋಲಾಂಡ್​ನ ಕರೊಲಿನಾ ಬಿಲಾವ್​ಸ್ಕಾ

ಪ್ಯೂರ್ಟೋ ರಿಕೊ: 2021ನೇ ವಿಶ್ವ ಸುಂದರಿ ಕಿರೀಟ ಪೋಲಾಂಡ್​ನ ಕರೊಲಿನಾ ಬಿಲಾವ್​ಸ್ಕಾ ಅವರ ಮುಡಿಗೇರಿದೆ. ಅಮೆರಿಕದ ಶ್ರೀಸೈನಿ ಮೊದಲ ರನ್ನರ್ ಅಪ್​ ಪಟ್ಟ ಅಲಂಕರಿಸಿದರು. ಭಾರತವನ್ನು ಪ್ರತಿನಿಧಿಸಿದ್ದ ವಾರಣಾಸಿಯ ಮಾನಸಾ ಸಮಿಫೈನಲ್​ ಪ್ರವೇಶಿಸಿ ಗಮನ ಸೆಳೆದರು. ಮಾನಸಾಗೆ ಟಾಪ್​ 13ನೇ ಸ್ಥಾನ ಸಿಕ್ಕಿದೆ.

ಪ್ಯೂರ್ಟೋ ರಿಕೊದ ಸ್ಯಾನ್ ಜುವಾನ್‌ನಲ್ಲಿರುವ ಕೋಕಾ-ಕೋಲಾ ಮ್ಯೂಸಿಕ್ ಹಾಲ್​ನಲ್ಲಿ ಗುರುವಾರ ನಡೆದ ಸಮಾರಂಭದಲ್ಲಿ ಕರೊಲಿನಾ ಬಿಲಾವ್​ಸ್ಕಾ ಅವರು MISS WORLD 2021 ಆಗಿ ಹೊರ ಹೊಮ್ಮಿದರು. ಜಮೈಕಾದ ಟೋನಿ ಆನ್​ಸಿಂಗ್​ ಅವರು ಕರೊಲಿನಾ ಬಿಲಾವ್​ಸ್ಕಾಗೆ ವಿಶ್ವಸುಂದರಿ ಕಿರೀಟ ತೊಡಿಸಿದರು. 'ನನ್ನ ಹೆಸರು ಘೋಷಣೆ ಆಗಿದ್ದು ಕೇಳಿ ನನಗೆ ಶಾಕ್​ ಆಯ್ತು. ಈಗಲೂ ನನಗೆ ನಂಬೋಕೆ ಆಗ್ತಿಲ್ಲ. ವಿಶ್ವ ಸುಂದರಿ ಕಿರೀಟದ ಮೇಲೆ ಅಪಾರ ಗೌರವ ಇದೆ. ಇದನ್ನು ನಾನು ಧರಿಸಿದ್ದು ತುಂಬಾ ಖುಷಿ ಇದೆ. ಈ ಕ್ಷಣವನ್ನು ನನ್ನ ಜೀವಮಾನದಲ್ಲಿ ಎಂದಿಗೂ ಮರೆಯಲು ಸಾಧ್ಯವಿಲ್ಲ. ಇದೊಂದು ಅವಿಸ್ಮರಣೀಯ ಕ್ಷಣ ಎನ್ನುತ್ತಲೇ ವಿಶ್ವಸುಂದರಿ ಕರೊಲಿನಾ ಭಾವುಕರಾದರು.

ಮ್ಯಾನೇಜ್​​ಮೆಂಟ್​ ವಿಷಯದಲ್ಲಿ ಕರೊಲಿನಾ ಸ್ನಾತಕೋತ್ತರ ಪದವಿ ವ್ಯಾಸಂಗ ಮಾಡುತ್ತಿದ್ದಾರೆ. ಇವರು ಸೌಂದರ್ಯದ ಮತ್ತೊಂದು ಮುಖ ಸಾಮಾಜಿಕ ಸೇವೆ. ಕರೊಲಿನಾಗೆ ಸ್ಕ್ಯೂಬಾ ಡ್ರೈವಿಂಗ್, ಸ್ವಿಮ್ಮಿಂಗ್​, ಸ್ಫೂರ್ತಿದಾಯಕ ಭಾಷಣ, ಟೆನ್ನಿಸ್​ ಮತ್ತು ಬ್ಯಾಟ್​ಮಿಂಟನ್​ ಆಡುವ ಹವ್ಯಾಸ ಇದೆ. ಅಷ್ಟೇ ಅಲ್ಲ, ಸ್ವಯಂ ಕಾರ್ಯಕರ್ತೆಯಾಗಿ ಸಾಮಾಜಿಕ ಕಾರ್ಯದಲ್ಲೂ ತೊಡಗಿದ್ದಾರೆ. ನಿರಾಶ್ರಿತರಿಗೆ ನೆರವು ನೀಡುತ್ತಾ, ಪ್ರತಿ ಭಾನುವಾರ ಬಡವರಿಗೆ ಊಟ, ಬಟ್ಟೆ, ಆಹಾರ ಸಮಾಗ್ತಿ ವಿತರಣಾ ಕಾರ್ಯ ಮಾಡುವ ಜತೆಗೆ ಕಾನೂನು ಸಲಹೆ, ವೈದ್ಯಕೀಯ ಸೇವೆಯನ್ನೂ ಒದಗಿಸುತ್ತಿದ್ದಾರೆ.

https://www.vijayavani.net/a-appu-fans-came-out-of-the-theater-crying/

https://www.vijayavani.net/a-plz-dont-piracy-james-cinema/