ಕನಸಾಗೇ ಉಳಿದ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ ಸೇರ್ಪಡೆ: ಆಕಳು ಬೆಳ್ಳಿಯನ್ನು ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ಗೆ ಸೇರಿಸಬೇಕೆಂದು 2019-20ರಲ್ಲಿ ವಿಶ್ವೇಶ್ವರ ಹೆಗಡೆ ಅರ್ಜಿ ಸಲ್ಲಿಸಿದರು. ಕಾಲಮಿತಿಯಲ್ಲಿ ಸೂಕ್ತ ದಾಖಲೆ ಒದಗಿಸುವಂತೆ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ ಹೇಳಿತ್ತು. ತಜ್ಞರ ಪ್ರಕಾರ ವಯಸ್ಸು ದೃಢೀಕರಣದ ಬಗ್ಗೆ ಹಲ್ಲುಗಳು, ಹಲ್ಲಿನ ಸವೆತ, ವಂಶವೃಕ್ಷ, ಸ್ಥಳೀಯ ಸಾಕ್ಷಿಗಳ ಅಧ್ಯಯನ ಮುಖ್ಯ. ಆದರೆ ರೈತರಿಗೆ ಈ ದಾಖಲೆಗಳನ್ನು ಸಿದ್ಧಪಡಿಸುವುದು ಕಷ್ಟ. ಗಮನ ಸೆಳೆದರೂ ಪಶುಸಂಗೋಪನಾ ಇಲಾಖೆ ಗಂಭೀರವಾಗಿ ಪರಿಗಣಿಸಲಿಲ್ಲ. ಈಗ ಹಿರಿಯ ಹಸುಗಳೇ ಅಸುನೀಗಿದ್ದರಿಂದ ಹೈನುಗಾರರ ಪರಿಶ್ರಮಕ್ಕೆ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ ಮನ್ನಣೆ ಸಿಗುವುದು ಕನಸಾಗೇ ಉಳಿಯುವ ಸಾಧ್ಯತೆ ಹೆಚ್ಚು.
