ಚೀನಾ ಬ್ಯಾಂಕ್​ಗಳಿಗೆ 100 ಮಿಲಿಯನ್ ಡಾಲರ್ ಪಾವತಿಸಲು ಅನಿಲ್​ ಅಂಬಾನಿಗೆ 6 ವಾರ ಸಮಯ ನೀಡಿದ ಲಂಡನ್​ ಕೋರ್ಟ್​...

ಲಂಡನ್​: ಇನ್ನು ಆರು ವಾರಗಳಲ್ಲಿ ಚೀನಾ ಬ್ಯಾಂಕ್​ಗಳಿಗೆ 100 ಮಿಲಿಯನ್​ ಅಮೆರಿಕನ್​ ಡಾಲರ್​ಗಳನ್ನು ಪಾವತಿ ಪಾಡಬೇಕು ಎಂದು ಲಂಡನ್​ ನ್ಯಾಯಾಲಯ ರಿಲಯನ್ಸ್​ ಗ್ರೂಪ್​ನ ಚೇರ್ಮನ್​ ಅನಿಲ್​ ಅಂಬಾನಿಯವರಿಗೆ ಸೂಚನೆ ನೀಡಿದೆ.

ಚೀನಾದ ಮೂರು ಬ್ಯಾಂಕ್​ಗಳಿಂದ 2012ರಲ್ಲಿ 680 ಮಿಲಿಯನ್​ ಡಾಲರ್​ಗಳನ್ನು ಸಾಲ ಮಾಡಿದ್ದ ಅನಿಲ್​ ಅಂಬಾನಿಯವರು ಅದನ್ನು ಮರುಪಾವತಿ ಮಾಡಲು ವಿಫಲರಾದ ಹಿನ್ನೆಲೆಯಲ್ಲಿ ಬ್ಯಾಂಕ್​ಗಳು ಲಂಡನ್​ ಕೋರ್ಟ್​ನಲ್ಲಿ ಮೊಕದ್ದಮೆ ಹೂಡಿದ್ದವು.

ಪ್ರಕರಣದ ವಿಚಾರಣೆ ನಡೆಸುತ್ತಿರುವ ಕೋರ್ಟ್​ ಶುಕ್ರವಾರ ಈ ಆದೇಶ ನೀಡಿದ್ದು, ಸಾಲದ ಒಪ್ಪಂದದ ಅನ್ವಯ ಚೀನಾದ ಬ್ಯಾಂಕ್​ಗಳು ಅನಿಲ್​ ಅಂಬಾನಿಯವರಿಂದ 680 ಡಾಲರ್​ಗಳನ್ನು ಹಿಂಪಡೆಯಬಹುದು ಎಂದು ತಿಳಿಸಿದೆ.

ಅನಿಲ್​ ಅಂಬಾನಿ ಈಗ ಶ್ರೀಮಂತ ಉದ್ಯಮಿಯಾಗಿ ಉಳಿದಿಲ್ಲ. ಅವರು ದಿವಾಳಿಯಯಾಗಿದ್ದಾರೆ ಎಂದು ಹೇಳಿರುವ ಅವರ ಪರ ವಕೀಲರ ವಾದದಿಂದ ನನಗೆ ಸಮಾಧಾನ ಆಗಿಲ್ಲ. ಅವರ ಪರ ವಾದ ಮಂಡನೆ ಮಾಡಿದ ವಕೀಲರ ಮಾತಿನಲ್ಲಿ ಪಾರದರ್ಶಕತೆ ಇರಲಿಲ್ಲ ಎಂದು ನ್ಯಾಯಾಧೀಶ ವಾಕ್ಸ್​ಮನ್​ ಹೇಳಿದ್ದಾಗಿ ವರದಿಯಾಗಿದೆ. (ಏಜೆನ್ಸೀಸ್​)