ಇದು ಕೇವಲ ಒಂದು ಮಂದಿರದ ಪ್ರಶ್ನೆಯಲ್ಲ. ಮಂದಿರದಿಂದ ದೇಶ ಅಭಿವೃದ್ಧಿ ಆಗುತ್ತದೆಯೇ ಎಂದು ಕೆಲವರು ಪ್ರಶ್ನಿಸಿಯಾರು. ಸಂಸ್ಕೃತಿಯ ಪುನರುತ್ಥಾನದ ದಿಟ್ಟ ಹೆಜ್ಜೆಯಾಗಿ ಇದು ಸಾಕಾರಗೊಳ್ಳುತ್ತಿದೆ. ನಮ್ಮ ರಾಷ್ಟ್ರಧರ್ಮ, ಜೀವನಧರ್ಮದ ಬೇರುಗಳನ್ನು ಬಲಿಷ್ಠಗೊಳಿಸುವ ಯತ್ನ. ರಾಮನಿಲ್ಲದೆ ಈ ದೇಶವನ್ನು ಕಲ್ಪಿಸಿಕೊಳ್ಳಲು ಸಾಧ್ಯವಿಲ್ಲ. ನ್ಯಾಯ, ನೀತಿ, ಸಹೋದರತ್ವ, ತ್ಯಾಗ, ಪ್ರಾಮಾಣಿಕತೆ, ಕಷ್ಟಸಹಿಷ್ಣುತೆ, ಸರಳತೆ, ಜ್ಞಾನ, ಶೌರ್ಯ, ರಾಜನೀತಿ, ಕೆಡುಕಿನ ವಿರುದ್ಧ ಹೋರಾಟ, ಸಾತ್ವಿಕ ಶಕ್ತಿಗಳಿಗೆ ಬಲ ಹೀಗೆ ಹಲವು ಉತ್ತಮ ಗುಣಗಳಿಂದ ಕೂಡಿದ ಮರ್ಯಾದಾ ಪುರುಷೋತ್ತಮನಾಗಿ ಶ್ರೀರಾಮ ಲೌಕಿಕ-ಅಲೌಕಿಕ ಬದುಕಿಗೆ ಮಾರ್ಗದರ್ಶಕ. ಜನ್ಮಭೂಮಿಯಲ್ಲಿ ಮಂದಿರ ನಿರ್ವಣವಾಗುವುದೆಂದರೆ ಈ ಎಲ್ಲ ಮೌಲ್ಯಗಳ ಮರುಸ್ಥಾಪನೆ. ಮಂದಿರ ಸಾಂಕೇತಿಕವಾದರೂ, ಅದು ಶ್ರೇಷ್ಠ ಸಂಸ್ಕೃತಿಯ ಪ್ರವಾಹವನ್ನು ನೆನಪಿಸಿಕೊಟ್ಟು, ಮುಂದೆ ಸಾಗಬೇಕಾದ ಪಥವನ್ನು ತೋರಿಸುತ್ತದೆ. ಆಧುನಿಕ ಯುಗದ ಹಲವು ತಲ್ಲಣಗಳಿಗೂ ಉತ್ತರ ನೀಡುತ್ತದೆ. ಹಾಗಾಗಿಯೇ, ಶಿಲಾನ್ಯಾಸ ಸಮಾರಂಭವನ್ನು ಇಡೀ ರಾಷ್ಟ್ರ ಉತ್ಸಾಹದಿಂದ ಎದುರು ನೋಡುತ್ತಿದೆ. ಈ ಮೂಲಕ ಲಕ್ಷಾಂತರ ಜನರ ಬಲಿದಾನವೂ ಸಾರ್ಥಕವಾಗಲಿದೆ.
