ಗಾಯಗೊಂಡಿದ್ದ ಕೊಳಕು ಮಂಡಲ ಹಾವಿಗೆ ಮನೆಯಲ್ಲೇ ಚಿಕಿತ್ಸೆ: 41 ಮರಿಗಳಿಗೆ ಜನ್ಮ ನೀಡಿದ ಹಾವು

ಸಿದ್ದಾಪುರ: ಮೈಸೂರು ರಸ್ತೆ ಬಡಾವಣೆಯಲ್ಲಿ ಉರಗ ರಕ್ಷಕ ಸ್ನೇಕ್​ ಸುರೇಶ್​ ರಕ್ಷಣೆ ಮಾಡಿದ ಕೊಳಕು ಮಂಡಲ ಹಾವು 41 ಮರಿಗಳಿಗೆ ಜನ್ಮ ನೀಡಿದೆ. ಸ್ನೇಕ್​ ಸುರೇಶ್​ ಹಾವು ಹಿಡಿಯುವ ಸಂದರ್ಭದಲ್ಲಿ ಹಾವಿಗೆ ಸಣ್ಣಪುಟ್ಟ ಗಾಯ ಆಗಿದ್ದರಿಂದ ತಮ್ಮ ಮನೆಯಲ್ಲಿ ಎರಡು ದಿನ ಇರಿಸಿಕೊಂಡು ಸ್ನೇಕ್​ ನವೀನ್​ ಅವರೊಂದಿಗೆ ಚಿಕಿತ್ಸೆ ನೀಡಿದ್ದರು. ಇದೀಗ ಸ್ನೇಕ್​ ಸುರೇಶ್​ ಮನೆಯಲ್ಲಿ ಆ ಹಾವು 41 ಮರಿಗಳಿಗೆ ಜನ್ಮ ನೀಡಿದೆ.

ಸ್ನೇಕ್​ ನವೀನ್​, ಸ್ನೇಕ್​ ವಿನೋದ್​ ಬಾವೆ, ಸ್ನೇಕ್​ ಮನೋಜ್​, ಸ್ನೇಕ್​ ರೋಷನ್​ ಅವರು ಕೊಳಕು ಮಂಡಲ ಹಾವು ಮತ್ತು 41 ಮರಿಗಳನ್ನು ಅರಣ್ಯ ಅಧಿಕಾರಿ ಉಮಾಶಂಕರ್​ ನೇತೃತ್ವದಲ್ಲಿ ಸೋಮವಾರ ತಿತಿಮತಿ ಅರಣ್ಯಕ್ಕೆ ಬಿಟ್ಟಿದ್ದಾರೆ.

ಕೊಡಗು ಉರಗ ಸಂರಕ್ಷರ ಸಂಘದ ಸದಸ್ಯರು ಹಲವು ವರ್ಷಗಳಿಂದ ಹಾವಿನ ಮೊಟ್ಟೆಗಳ ರಕ್ಷಣೆ ಮಾಡಿ, ಮರಿ ಮಾಡಿಸುವ ಕೆಲಸ ಮಾಡುತ್ತಿದ್ದಾರೆ. ಹಾವುಗಳಿಗೆ ಗಾಯಗಳಾದರೆ ಚಿಕಿತ್ಸೆ ನೀಡಿ ಒಂದು ದಿನದ ಮಟ್ಟಿಗೆ ಮನೆಯಲ್ಲಿ ಇಟ್ಟು ನಂತರ ಅರಣ್ಯಕ್ಕೆ ಬಿಡಲಾಗುವುದು ಎಂದು ಕೊಡಗು ಉರಗ ಸಂರಕ್ಷಕರ ಸಂಘದ ಅಧ್ಯಕ್ಷ ಸ್ನೇಕ್​ ಸುರೇಶ್​, ಸ್ನೇಕ್​ ನವೀನ್​ ಮಾಹಿತಿ ನೀಡಿದ್ದಾರೆ.

https://www.vijayavani.net/a-tirthahalli-police-constable-sudha-life-is-tragic-end-kujadosha-isssue/

https://www.vijayavani.net/a-film-actor-aditi-prabhudeva-about-yoga-day/