ತಮ್ಮದೇ ಮಾಲೀಕತ್ವದ ಕಂಪನಿಗೆ ಗಣಿಗಾರಿಕೆ ಪರವಾನಗಿ ಕೊಟ್ಟುಕೊಳ್ಳುವ ಮೂಲಕ ಸಿಎಂ ಪ್ರಜಾಪ್ರತಿನಿಧಿ ಕಾಯ್ದೆಯ ಹಲವು ಅಂಶಗಳನ್ನು ಉಲ್ಲಂಘಿಸಿದ್ದಾರೆ. ಕಲ್ಲುಗಣಿಗಾರಿಕೆ ಲೈಸೆನ್ಸ್ ಪಡೆಯುವ ಮೂಲಕ ಲಾಭದಾಯಕ ಹುದ್ದೆ ಹೊಂದಿದ್ದಾರೆ ಎಂದು ರಾಜ್ಯ ಬಿಜೆಪಿ ಘಟಕ ರಾಜ್ಯಪಾಲರಿಗೆ ದೂರು ಸಲ್ಲಿಸಿತ್ತು. ಹಾಗಾಗಿ ಈ ಕುರಿತು ರಾಜ್ಯಪಾರಲು ಚುನಾವಣಾ ಆಯೋಗಕ್ಕೆ ಪತ್ರ ಬರೆದು ಅಭಿಪ್ರಾಯ ಕೇಳಿದ್ದರು. ನಿಯಮ ಉಲ್ಲಂಘನೆ ಸಾಬೀತಾದ ಹಿನ್ನೆಲೆ ಚುನಾವಣಾ ಆಯೋಗವು ಹೇಮಂತ್ ಸೊರೆನ್ರ ಶಾಸಕ ಸ್ಥಾನ ವಜಾಗೆ ಶಿಫಾರಸು ಮಾಡಿದೆ. ಮೂರು ದಿನದಿಂದ ದೆಹಲಿಯಲ್ಲಿರುವ ರಾಜ್ಯಪಾಲು ಕೆಲವೇ ಕ್ಷಣದಲ್ಲಿ ಜಾರ್ಖಂಡ್ನ ರಾಜಧಾನಿ ಆಗಮಿಸಲಿದ್ದು, ಮಹತ್ವದ ಆದೇಶ ಘೋಷಣೆ ಮಾಡಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
