ಬಸವ ಜಯಂತಿಯಲ್ಲಿ ಗುಂಡ್ಲುಪೇಟೆ ಶಾಸಕರಿಂದ ನಂದಿಧ್ವಜ ಕುಣಿತ: ವಿಡಿಯೋ ವೈರಲ್

Published on:

13 May 2022, 9:32 am

ಚಾಮರಾಜನಗರ: ಗುಂಡ್ಲುಪೇಟೆಯಲ್ಲಿ ಶುಕ್ರವಾರ ನಡೆದ ಬಸವ ಜಯಂತಿ ಕಾರ್ಯಕ್ರಮದಲ್ಲಿ ಶಾಸಕ ಸಿ.ಎಸ್. ನಿರಂಜನ್ ಕುಮಾರ್ ಅವರು ನಂದಿಧ್ವಜ ಹೊತ್ತು ಕುಣಿಯುತ್ತಾ ನೆರೆದಿದ್ದ ಸಹಸ್ರಾರು ಜನರ ಗಮನಸೆಳೆದರು. ಶಾಸಕರ ಈ ನೃತ್ಯದ ದೃಶ್ಯ ವೈರಲ್ ಆಗಿದೆ.

ಜಾನಪದ ಕಲೆಯಾದ ನಂದಿಧ್ವಜ/ ನಂದಿಕೋಲು ಕುಣಿತಕ್ಕೆ ಗುಂಡ್ಲುಪೇಟೆ ಭಾಗದಲ್ಲಿ ಹೆಚ್ಚಿ ಪ್ರಾಶಸ್ತ್ಯ ಇದೆ. ಸಮಾರು 50-70 ಕೆಜಿ ತೂಕ ಇರುವ ನಂದಿಕೋಲು 20-25 ಅಡಿ ಎತ್ತರ ಇರುತ್ತೆ. ಈ ನಂದಿಧ್ವಜ ಕುಣಿತ ಮಾಡಬೇಕಾದರೆ ವ್ಯಕ್ತಿಗೆ ಏಕಾಗ್ರತೆ ಮುಖ್ಯ. ಕುಣಿತದಲ್ಲಿ ಸಮತೋಲನ ಕಾಪಾಡಿಕೊಳ್ಳಬೇಕು. ಹಾಗಾದದಲ್ಲಿ ಮಾತ್ರ ನಂದಿಧ್ವಜ ಎತ್ತಿ ಕುಣಿಯಲು ಸಾಧ್ಯ ಎನ್ನುವ ಸಾರ್ವಜನಿಕರು, ಶಾಸಕರ ನಂದಿಕೋಲು ಕುಣಿತಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.