ಕುಂಡಲಿನೀ ಶಕ್ತಿಯ ಜಾಗೃತಿಗೆ ಕ್ಲಿಷ್ಟಕರ ಕಂದಾಸನ

ಕಂದಾಸನ ಎಂದರೆ ಏನು?: ಯೋಗಶಾಸ್ತ್ರದಲ್ಲಿ ಕಂದಾಸನವು ಕುಳಿತುಕೊಳ್ಳುವ ಆಸನವಾಗಿದ್ದು, ಇದು ಕಾಲುಗಳ ನಮ್ಯತೆಯನ್ನು ಪ್ರಶ್ನಿಸುತ್ತದೆ. ಈ ಪದವು ಸಂಸ್ಕೃತದ ಕಾಂಡ, ಅಂದರೆ ಬಲ್ಬಸ್ ಮತ್ತು ಆಸನ, ಅಂದರೆ ಭಂಗಿ ಎಂಬ ಪದಗಳಿಂದ ಬಂದಿದೆ. ಈ ಭಂಗಿಯಲ್ಲಿ ಪಾದಗಳು ಈರುಳ್ಳಿಯ ಬಲ್ಬ್ ಅನ್ನು ಹೋಲುವುದರಿಂದ ಇದನ್ನು ಹಾಗೆ ಹೆಸರಿಸಲಾಗಿದೆ.

ಈ ಭಂಗಿಯನ್ನು ನಿರ್ವಹಿಸಲು, ಅಭ್ಯಾಸಿಯು ನೆಲದ ಮೇಲೆ ಕುಳಿತು ಪಾದಗಳನ್ನು ಪೆರಿನಿಯಮ್ ಕಡೆಗೆ ತರಲು ಮೊಣಕಾಲುಗಳಲ್ಲಿ ಕಾಲುಗಳನ್ನು ಬಗ್ಗಿಸುತ್ತಾರೆ. ಪಾದಗಳನ್ನು ಪಾದದ ಅಡಿಭಾಗಗಳು ದೇಹವನ್ನು ಎದುರಿಸುವಂತೆ ಕಣಕಾಲುಗಳು ತಿರುಚುವಾಗ ಪಾದಗಳನ್ನು ಹಿಡಿದಿಡಲಾಗುತ್ತದೆ. ನಂತರ ಪಾದಗಳನ್ನು ಹೊಕ್ಕುಳಿನ ವಿರುದ್ಧ ಇರಿಸಲಾಗುತ್ತದೆ. ಕಂದಾಸನ ವನ್ನು ಮೇಲ್ಮುಖ ಕಣಕಾಲು ತಿರುವು ಭಂಗಿ ಎಂದೂ ಕರೆಯುತ್ತಾರೆ.

ಮಾಡುವ ವಿಧಾನ: ಜಮಖಾನ ಹಾಸಿ ಅದರ ಮೇಲೆ ಕುಳಿತುಕೊಂಡು ಮೊದಲಿಗೆ ಬದ್ಧಕೋಣಾಸನ ಅಭ್ಯಾಸ ಮಾಡಬೇಕು. ಅನಂತರ ಬಲಕೈಯಿಂದ ಬಲಪಾದವನ್ನು ಎಡಕೈಯಿಂದ ಎಡಪಾದವನ್ನು ಸಮರ್ಪಕವಾಗಿ ಹಿಡಿದುಕೊಳ್ಳಿ. ಕೈಗಳ ಸಹಾಯದಿಂದ ಎರಡೂ ಕಾಲುಗಳ ಹಿಮ್ಮಡಿ ಮತ್ತು ಪಾದಗಳ ಹೊರಬದಿಗಳನ್ನು ಹೊಕ್ಕುಳು ಮತ್ತು ಎದೆಯ ಭಾಗಕ್ಕೆ ತಂದು ಒತ್ತಿ ಇರಿಸಿ. ಆಮೇಲೆ ಕೈಗಳನ್ನು ಚಿನ್ಮುದ್ರೆ ಭಂಗಿಯಲ್ಲಿ ಇರಿಸಿ. ಸಾಧ್ಯವಾದರೆ ಎರಡೂ ಕೈಗಳನ್ನು ಶಿರಸ್ಸಿನ ಮೇಲೆ ತಂದು ಕೈ ಮುಗಿಯಿರಿ. ಈ ಸ್ಥಿತಿಯಲ್ಲಿ ಸ್ವಲ್ಪ ಹೊತ್ತು ಸಾಮಾನ್ಯ ಉಸಿರಾಟ ನಡೆಸುತ್ತಾ ಅನಂತರ ತುಸು ವಿಶ್ರಾಂತಿ ಪಡೆಯಿರಿ.

ಈ ಆಸನವನ್ನು ಆರಂಭದಲ್ಲಿ ಅಭ್ಯಾಸ ನಡೆಸುವಾಗ ಪಾದಗಳು ಜಾರಿ ಬೀಳಬಹುದು. ನಿತ್ಯ ನಿರಂತರ ಕ್ರಮವತ್ತಾಗಿ ಉಸಿರಿನ ಗತಿಯೊಂದಿಗೆ ಕಲಿತಾಗ ಈ ಆಸನವು ಕ್ರಮೇಣ ಕೈವಶವಾಗುತ್ತದೆ. ಇದನ್ನು ಗುರುಮುಖೇನವೇ ಕಲಿಯಿರಿ.

ಪ್ರಯೋಜನ: ಕಂದಾಸನದ ಪ್ರಯೋಜನಗಳು ಹಲವಾರು. ಪ್ರಮುಖವಾಗಿ ಕಂದಾಸನವು ಹೊಟ್ಟೆಯ ಕೆಳಭಾಗ ಮತ್ತು ಸೊಂಟದಲ್ಲಿರುವ ಪ್ರಮುಖ ಶಕ್ತಿ ಕೇಂದ್ರವಾದ ಕಾಂಡ ನಾಡಿಯ ಮೇಲೆ ಕಾರ್ಯನಿರ್ವಹಿಸುವ ಪ್ರಬಲ ಯೋಗ ಭಂಗಿ ಎನ್ನಬಹುದಾಗಿದೆ. ಈ ನಾಡಿಯು ಮಾನವ ಶರೀರದ ಮೂರು ಪ್ರಮುಖ ಶಕ್ತಿ ಮಾರ್ಗಗಳಾದ ಮೂಲಾಧಾರ, ಸ್ವಾಧಿಷ್ಠಾನ ಮತ್ತು ಮಣಿಪುರ- ಚಕ್ರಗಳು ಜಾಗೃತಗೊಳ್ಳುವ ಮೂಲವಾಗಿದೆ. ಈ ಆಸನ ಮಾಡುವುದರಿಂದ ಸಂತಾನೋತ್ಪತ್ತಿಗೆ ಇರುವ ತೊಂದರೆ ನಿವಾರಣೆಯಾಗುತ್ತದೆ ಮತ್ತು ಆ ಸಂಬಂಧದ ಆರೋಗ್ಯ ವೃದ್ಧಿಯಾಗುತ್ತದೆ. ಪ್ರಮುಖವಾದ ಇನ್ನೊಂದು ಪ್ರಯೋಜನವೆಂದರೆ ಮಿದುಳಿನ ಕಾರ್ಯಗಳನ್ನು ಜಾಗೃತಿಗೊಳಿಸುವಲ್ಲಿಯೂ ಈ ಆಸನ ಪ್ರಮುಖ ಪಾತ್ರವಹಿಸುತ್ತದೆ. ಈ ಆಸನ ಅಭ್ಯಾಸ ಮಾಡುವುದರಿಂದ ಕಾಲಿನ ಮಾಂಸಖಂಡಗಳು ಚೆನ್ನಾಗಿ ಪಳಗುತ್ತವೆ ಮತ್ತು ಕಾಲಿನ ಪೆಡಸುತನ ನಿವಾರಣೆಯಾಗುತ್ತದೆ.

ಕಾಲಿನ ನರಗಳ ಸೆಳೆತ ನಿವಾರಣೆ, ಮೊಣಕಾಲಿನ ನರದ ದೋಷ ನಿವಾರಣೆಗೆ ತುಂಬಾ ಸಹಕಾರಿಯಾಗುತ್ತದೆ. ಮೂತ್ರ ವಿಸರ್ಜನೆಯಲ್ಲಿ ತೊಂದರೆಗಳನ್ನು ಅನುಭವಿಸುವವರಿಗೆ ಈ ಆಸನವು ಅತ್ಯುತ್ತಮ ಫಲಕಾರಿ ಔಷಧವಾಗಿದೆ. ಕಿಬ್ಬೊಟ್ಟೆ ಮತ್ತು ಬೆನ್ನಿನ ಭಾಗಗಳಿಗೆಲ್ಲಾ ಸಾಕಷ್ಟು ರಕ್ತ ಪರಿಚಲನೆಯಾಗಿ ಅವೆಲ್ಲವು ಹುರುಪುಗೊಂಡು ಶಕ್ತಿಯನ್ನು ಗಳಿಸುವುದು ಕಂದಾಸನದಿಂದ ಸಾಧ್ಯ. ಹಾಗೂ ಈ ಆಸನವು ಮೂತ್ರಪಿಂಡಗಳು, ಮೂತ್ರಕೋಶ ಮತ್ತು ಜನನೇಂದ್ರಿಯ ಇವನ್ನು ಆರೋಗ್ಯವಾಗಿ ಹಾಗೂ ಸ್ಥುತಿಯಲ್ಲಿ ಇಡುತ್ತದೆ ಎನ್ನುವುದು ಗಮನಾರ್ಹ.

ಸ್ಥಿರವಾದ ಅಭ್ಯಾಸದೊಂದಿಗೆ, ಇದು ಕುಂಡಲಿನಿಯನ್ನು ಸಕ್ರಿಯಗೊಳಿಸಲು ಸಹಾಯ ಮಾಡುತ್ತದೆ. ಧ್ಯಾನವನ್ನು ಆಳಗೊಳಿಸುತ್ತದೆ ಮತ್ತು ಆಂತರಿಕ ಅರಿವನ್ನು ವಿಸ್ತರಿಸುತ್ತದೆ. ಈ ಪ್ರಕ್ರಿಯೆಯು ಸಮಯ ತೆಗೆದುಕೊಳ್ಳುತ್ತದೆ. ಆದರೆ ನಿರಂತರ ಅಭ್ಯಾಸ ಮತ್ತು ತಾಳ್ಮೆ ಅಗತ್ಯವಾಗಿರುತ್ತದೆ.(ಪ್ರತಿಕ್ರಿಯಿಸಿ: vvsudina@gmail.com)